1 Tesəloniki 1
1
Pwəə nə́ ń ce Tesəloniki Kristə-lyì bí
1Wɔ́ àmyɛ́ Pwəə ǹdə́ Shəlvɛ̃ ǹdə́ Timote nə́ rʼé kɛ̃ sɛ́bɛ́ rɛ́ tɛ̀bɛ́ nə́ la ámyɛ̌ Tesəloniki Kristə-lyì gùlú w lyì bí ni pɔ. Á zhí nə́ Da Yi ǹdə́ Cinu Yezu Kristə ne. Yi bʼa cĩ́ bwəl á yó, sə rə pə ába yə̀-zùlə́!
Pwəə nə́ ń ce Yi nə̀bán Tesəloniki lyì bí gə́ zwẽ Yi zɔ̀mɛ̀ rɛ́ mɔ́ yilə
2Nə́ rʼé ce Yi nə̀bán twéé twéé á gakó yilə. Nə́ gə nʼé ce Yi gakó, nə́ tʼá swě á yò yé. 3Nə́ rʼé lyǐrh á Yi-ni-zhú tumə né ǹdʼá sónó tùntwĩ̀ĩ̀ rí yò. Nə́ rʼé lyǐrh á gə́ nʼá pyɛ́nɛ́ á cìn á mʼá dɛ̃̀ nə́ Cinu Yezu Kristə twírí y mú myɛ yò nə́ Da Yi yé né twéé gakó.
4Da-byâ, nə́ yě bə̀ Yi swéné ába, rə cír ába á jǐrh rə̀ lyì. 5Yò-ècɔ̀nɔ̀ nyí rí nə́ bwə̀l nə́ byili ába mó də̀ ǹdə́ nyì-zɔ̀mà dúdú yé; nə́ bwə̀l lè ǹdə́ jàn tɛ̀bɛ́ rə̀ nʼê shí Eshirhə náàcɛ̀nɛ́ sõ, sə nə́ yě pamparɛ̃ɛ̃ bə̀ tɛ̀bɛ́ nə́ bwə̀l mó wɔ́ zhə̀nà. Á cìcì yě nə́ gə́ yʼâ zhe nə́ cìn ní á sõ, sə rə̀myɛ́ yʼà wɔ́ ámyɛ̌ sãɔ̃ yilə, 6sə á kwè nə́myɛ̌ ǹdə́ Cinu nà. Á nwɛ̀nɛ̀ dɛ̃´dɛ̃´, sə ǹdə́ rə̀myɛ́ ga, á zwẽ Yi zɔ̀mɛ̀ rɛ́ ǹdə́ wu-nyɔ̃̀ kɔ̀bɔ́ ò nʼô shí Eshirhə náàcɛ̀nɛ́ sõ. 7Èta, Masɛdwanɛ ǹdə́ Akəyi tənèsé Kristə-lyì bí gakó nʼê kwè ámyɛ nà. 8Zhə̀nà, è də̀ Masɛdwanɛ ǹdə́ Akəyi ní dúdú Cinu zɔ̀mɛ̀ rɛ́ shí á sõ rə yí ní yé; lũ w lyì bí gakó yě bʼâ zhí Yi ni. Rə̀myɛ́ ce, nə́myɛ̌ kʼé bə kaka zhe nə́ la byilu á Yi-ni-zhú mú shò-kwã nɛ́ yé. 9Lyì bí gakó nʼê zɔ̀m nə́ gə́ tú á sõ á zwẽ nə́ zhəəlé né mó, ǹdʼá gə́ yẽ̌ wẽ̀ dé tɛ̀bɛ́ bə̀ nʼê zwə́l rə̀ də̀ Yi mú ni mú yò. Bə̀ nʼê zɔ̀m bʼâ zwẽ nyí á pyìrhí á wun á nʼá tó Yi rí tɛ̀bɛ́ rə̀ wɔ́ nã́nyì, rə jʼà wɔ́ zhə̀n mɔ́ nɛ, 10sə á nʼá dɛ̃̀ rə̀ Byǐ Yezu ń la shí Arəzana w n bà. Rə̀ bwìrhì mù n du cùùrì wẽ́. Wɔ́ ńmyɛ̌ ń mà n zwẽ nə́ba bùrsí sə̀ bwəlse Yi la kɔ́ mɔ́ yi ní.
اکنون انتخاب شده:
1 Tesəloniki 1: lee
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2001, Wycliffe Bible Translators, Inc. All rights reserved.
1 Tesəloniki 1
1
Pwəə nə́ ń ce Tesəloniki Kristə-lyì bí
1Wɔ́ àmyɛ́ Pwəə ǹdə́ Shəlvɛ̃ ǹdə́ Timote nə́ rʼé kɛ̃ sɛ́bɛ́ rɛ́ tɛ̀bɛ́ nə́ la ámyɛ̌ Tesəloniki Kristə-lyì gùlú w lyì bí ni pɔ. Á zhí nə́ Da Yi ǹdə́ Cinu Yezu Kristə ne. Yi bʼa cĩ́ bwəl á yó, sə rə pə ába yə̀-zùlə́!
Pwəə nə́ ń ce Yi nə̀bán Tesəloniki lyì bí gə́ zwẽ Yi zɔ̀mɛ̀ rɛ́ mɔ́ yilə
2Nə́ rʼé ce Yi nə̀bán twéé twéé á gakó yilə. Nə́ gə nʼé ce Yi gakó, nə́ tʼá swě á yò yé. 3Nə́ rʼé lyǐrh á Yi-ni-zhú tumə né ǹdʼá sónó tùntwĩ̀ĩ̀ rí yò. Nə́ rʼé lyǐrh á gə́ nʼá pyɛ́nɛ́ á cìn á mʼá dɛ̃̀ nə́ Cinu Yezu Kristə twírí y mú myɛ yò nə́ Da Yi yé né twéé gakó.
4Da-byâ, nə́ yě bə̀ Yi swéné ába, rə cír ába á jǐrh rə̀ lyì. 5Yò-ècɔ̀nɔ̀ nyí rí nə́ bwə̀l nə́ byili ába mó də̀ ǹdə́ nyì-zɔ̀mà dúdú yé; nə́ bwə̀l lè ǹdə́ jàn tɛ̀bɛ́ rə̀ nʼê shí Eshirhə náàcɛ̀nɛ́ sõ, sə nə́ yě pamparɛ̃ɛ̃ bə̀ tɛ̀bɛ́ nə́ bwə̀l mó wɔ́ zhə̀nà. Á cìcì yě nə́ gə́ yʼâ zhe nə́ cìn ní á sõ, sə rə̀myɛ́ yʼà wɔ́ ámyɛ̌ sãɔ̃ yilə, 6sə á kwè nə́myɛ̌ ǹdə́ Cinu nà. Á nwɛ̀nɛ̀ dɛ̃´dɛ̃´, sə ǹdə́ rə̀myɛ́ ga, á zwẽ Yi zɔ̀mɛ̀ rɛ́ ǹdə́ wu-nyɔ̃̀ kɔ̀bɔ́ ò nʼô shí Eshirhə náàcɛ̀nɛ́ sõ. 7Èta, Masɛdwanɛ ǹdə́ Akəyi tənèsé Kristə-lyì bí gakó nʼê kwè ámyɛ nà. 8Zhə̀nà, è də̀ Masɛdwanɛ ǹdə́ Akəyi ní dúdú Cinu zɔ̀mɛ̀ rɛ́ shí á sõ rə yí ní yé; lũ w lyì bí gakó yě bʼâ zhí Yi ni. Rə̀myɛ́ ce, nə́myɛ̌ kʼé bə kaka zhe nə́ la byilu á Yi-ni-zhú mú shò-kwã nɛ́ yé. 9Lyì bí gakó nʼê zɔ̀m nə́ gə́ tú á sõ á zwẽ nə́ zhəəlé né mó, ǹdʼá gə́ yẽ̌ wẽ̀ dé tɛ̀bɛ́ bə̀ nʼê zwə́l rə̀ də̀ Yi mú ni mú yò. Bə̀ nʼê zɔ̀m bʼâ zwẽ nyí á pyìrhí á wun á nʼá tó Yi rí tɛ̀bɛ́ rə̀ wɔ́ nã́nyì, rə jʼà wɔ́ zhə̀n mɔ́ nɛ, 10sə á nʼá dɛ̃̀ rə̀ Byǐ Yezu ń la shí Arəzana w n bà. Rə̀ bwìrhì mù n du cùùrì wẽ́. Wɔ́ ńmyɛ̌ ń mà n zwẽ nə́ba bùrsí sə̀ bwəlse Yi la kɔ́ mɔ́ yi ní.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2001, Wycliffe Bible Translators, Inc. All rights reserved.