1 Kɔrɛ̃tɛ 13
13
Wɔ́ sónó ò du kɔn gakó
1Bá à gə yʼà yě dwə́ né gakó zɔ̀mà nɛ́,
numbyínsí nyə̀ná nɛ́ ǹdə́ màlɛ́kabá nyə̀ná nɛ́ ga,
a jʼà bə sónó zhe,
à zɔ̀mà nɛ́ nyɛ̌ ǹdə wɔ́ gùlú bə̀ nʼê dwí ò nʼô ce sɔ̀,
ráá lòmè bə̀ nʼê mà ta.
2Bá à gə zhe Yi nyì-zwennə pɛnɛ́,
à zhe lárma dwí gakó,
à yě kɔn dɛ̀bɛ́ gakó rə̀ shèè kùrə̀,
bá à gə zhí Yi ni,
à wɔ̌ à bʼa ce pyàr fwâr rə̀ jààsɛ̀ wà,
à gə bə sónó zhe, à wɔ́ nánfò.
3Bá à gə kwè à jɛ̃̀-kɔn dɛ́ gakó a tə̀ nə̀mwà nɛ̀,
a pə à cìn bə ji myǐn,
à gə bə sónó zhe, rə̀myɛ́ gakó wɔ́ nánfò.
4Sónó cí nə́ ń zhìlì ń yala nɛ.
Sónó cí nə́ ń sɛ̃ ń dwã bɛ́ nɛ;
ń tá ń dùr bwɛ̃̌ yé.
Sónó cí tá ń cèrhé ń cìn yé;
ń bə cìn-byilu zhe yé.
5Sónó cí tá ń twĩ̀ kɔn dɛ̀bɛ́ rə̀ bə mə̂ yé.
Sónó cí tá ń pyà ń dúdú sɛ̃ɛ̃´ yé;
ń lyim tʼâ zɛ̃̀ làlà yé;
ń tá ń cĩ́ yò ń wẽ́ ń mə́ ń jí zùùrì yé.
6Sónó cí wu bə nyɛ̀ lwɛlɛ yil yé;
ń wu nyɛ̀ zhə̀n yilə.
7Sónó cí nə́ ń pɛ sǔbri twéé gakó;
ń zhí Yi ni kɔn gakó wẽ́;
ń nə́ ń dɛ̃̀ Yi nyì-bwelé y pyǐrh mó kɔn gakó wẽ́;
ń nə́ ń zhìlì ń yala nɛ kɔn gakó wẽ́.
8Sónó tʼâ la zhɔ̌ gaga yé.
Yi nyì-zwennə pɛnɛ́ bʼa zhɛ̀ dɛ̃ rə̀dù;
zɔ̀mà dwí dõ pɛnɛ́ bʼa lyɛ̃;
lárma bʼa jé.
9Nə́ lwar mɔ́ wɔ́ nángwə̀mə́;
zɔ̀mà nɛ́ Yi nʼê byili nə́ba nə́ zɔ̀m mɔ́ myɛ wɔ́ nángwə̀mə́.
10Sə dɛ̀bɛ́ rə̀ wɔ́ námpúm mú gə túwə́,
tɛ̀bɛ́ rə̀ wɔ́ nángwə̀mə́ y mó bʼa jé.
11À gə́ yʼà wɔ́ bə̀sɔ́bwɛ̀lɛ́ yi ní,
à yʼà nʼâ zɔ̀m bə̀swɛ́nɛ́,
à yʼà nʼâ tɛ́rɛ́ bə̀swɛ́nɛ́,
à surhə né yʼà wɔ́ bə̀sɔ́bwɛ̀lɛ́ surhə;
sə à gə́ tú a jǐrh námpwə̂l mó,
à dwĩ̀ bə̀swɛ́nɛ́ rɛ́ nɛ.
12Nə́myɛ̌ gə́ nə nɛ́ èlâsɛ̃´ mɔ́,
wɔ́ ǹdə lò gə́ nə èsə̃̌yùlú zhèzhé wẽ́ né.
Sə rə̀ yi gə tú è yúwə́,
è bʼa yə̀ ǹdə lò gə́ nə́ ń nyǐ ń dõ yé ta.
Èlâsɛ̃´ mɔ́, à lwar mɔ́ gwẽ̌ yə̀ báásɛ yé.
Sə rə̀ yi gə tú è yúwə́,
à bʼa lwar námpúm ǹdə Yi gə́ yě àmyɛ pár nɛ́.
13Èlâsɛ̃´ wɔ́ wẽ̀ rə̀tɔ̀ rə̀ ŋwɛ́nɛ́:
Yi-ni-zhú mú ǹdə́ rə̀ nyì-bwelé y pyǐrh mó dã̀ɔ̃́,
e súlí sónó.
Sə rə̀myɛ́ rə̀tɔ̀ y ga wẽ́ mó,
wɔ́ sónó ò du.
اکنون انتخاب شده:
1 Kɔrɛ̃tɛ 13: lee
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2001, Wycliffe Bible Translators, Inc. All rights reserved.