KO SĀKALAIA 14
14
Ko Selusalema mo e ngaahi Pule‘angá
1VAKAI, ‘oku hoko mai ha ‘aho ma‘a Sihova, ‘a ia ‘e tufa ai ho‘o vete ‘i ho loto kolo. He te u tānaki ‘a e ngaahi pule‘anga kotoa ki Selusalema ke tau; 2pea ‘e hamu ‘a e kolo, pea ‘e vete ‘a e ngaahi fale, pea tohotoho‘i ‘a e kau fefine, pea ko e vaeua ‘o e kolo ‘e ‘alu pōpula. Ka ko hono toe ‘o e kakai ‘e ‘ikai tu‘usi mei he kolo. 3Toki hā‘ele atu ‘a Sihova, ‘o tau mo e ngaahi pule‘anga ko ia, ‘o hangē ko e taimi ‘o ‘ene tau ‘i he ‘aho ‘o e fepaki ofi. 4Pea ko hono to‘ukupu kelekelea ‘e tu‘u ‘i he ‘aho ko ia ‘i Mo‘unga ‘Ōlive, ‘a ia ‘oku ‘i he hāngai ki Selusalema ‘i hahake, pea ‘e fahi ua ‘a Mo‘unga ‘Ōlive ‘i loto ki hahake mo hihifo, ko e tele‘a lahi ‘aupito; pea ‘e ngatolo ‘a e vaeua ‘o e mo‘unga ki he tokelau mo e vaeua ki he tonga. 5Pea te mou hola ki he tele‘a ‘o hoku ongo mo‘unga na;#14.5 ‘Oku ‘ikai ke mahino ‘a hono faka-Hepeluú. he ‘e a‘u ‘a e tele‘a ‘o e ongo mo‘unga ki ‘Ēsili; ‘io, te mou hola hangē na‘a mou hola telia ‘a e mofuike ‘i he taimi ‘o ‘Ūsaia ko e Tu‘i Siuta. Pea ‘e hā‘ele mai ‘a Sihova ko hoku ‘Otua, ‘oku ha‘ofia ‘a e ‘Afiona ‘e he kau tapu kotoa.
6Pea ‘i he hoko ‘a e ‘aho ko ia, ‘e ‘ikai maama ia; ‘e fakapoipoila ‘a e ngaahi me‘a huhulu.#14.6 ‘e ‘ikai… huhulu: ‘e ‘ikai toe ‘i ai ha momoko pe ko ha hahau ‘aisi. 7Pea ko e ‘aho ko ia ‘e taha ‘ona, ko e ‘aho ‘iloa kia Sihova: ‘e ‘ikai ‘aho, pea ‘e ‘ikai pō; ka ‘i he faifai pea hoko ‘a e taimi efiafi, ‘e toki maama.
8Pea ‘e hoko ‘i he ‘aho ko ia, ‘e ‘alu atu ha vai mo‘ui mei Selusalema; ko e vaeua ‘e tafe ki he tahi hahake, pea ko e vaeua ki he tahi hihifo: ‘e fai ai pē ‘i he sama mo e uinitā.#‘Isi 47.1; Sioné 7.38; Fkhā 22.1 9Pea ‘e hoko ‘a Sihova ko e Tu‘i ‘o Māmani kātoa: ‘i he ‘aho ko ia ‘e ‘i ai ha taha‘i Sihova pē, pea ko hono huafa ko e taha‘i Huafa.
10‘E liliu ‘a e fonua kotoa ke hangē ko ‘Alapā, mei Kepa ki Kīmoni, ‘a ia ‘oku tu‘u ki he potu tonga ‘o Selusalema; kae fakamā‘olunga ‘a e kolo, ‘o tu‘u ai pē ‘i hono potu, he fai mei he Matanikolo ‘o Penisimani ‘o a‘u ki he feitu‘u ‘o e Motu‘a Matanikolo, pea ki he Matanikolo ‘o e Tuliki; mei he Taua foki ‘o Hananeli ki he ngaahi tata‘o‘anga kālepi ‘o e tu‘i. 11Pea ‘e fai ai ha nofo, pea ‘e ‘ikai kei ‘i ai ‘a e fakamala‘ia: pea ko e nofo ‘a Selusalema ko e nofo falala.#Fkhā 22.3
12Pea ko eni ‘a e mala, ‘a ia ‘e taa‘i ‘aki ‘e Sihova ‘a e ngaahi kakai kehekehe kuo fai tau mo Selusalema: ‘e popo honau kakano lolotonga ‘oku nau kei tu‘u ‘aki honau va‘e, pea ‘e ‘auha honau ngaahi fo‘i mata ‘i honau ‘ana, pea ‘e ‘aunga honau ‘elelo ‘i honau ngutu.
13Pea ka hoko ‘a e ‘aho ko ia, ‘e ai ha fu‘u faka‘ohovale ‘a Sihova kiate kinautolu; pea ‘e puke ‘e ē ‘a e nima ‘o ē, pea ‘e hiki tā ‘a e nima ‘o ē ki he nima ‘o ē. 14Pea ko Siuta foki ‘e kau ‘i he tau ‘i Selusalema; pea ‘e tānekinga ‘a e koloa ‘o e ngaahi pule‘anga kotoa pē takatakai, ‘a e koula mo e siliva mo e kofu, ‘o lahi ‘aupito.
15Pea ‘e tatau mo ia ‘a e mala ‘e hoko ki he hoosi, ki he miuli, ki he kāmeli, pea ki ke ‘asi; ‘io, ki he fanga manu kotoa pē ‘e nofo ‘i he ngaahi ‘apitanga ko ia; ‘e tatau mo e mala ko ē.
16Pea ‘e hoko ‘o pehē, ‘ilonga ha toe ‘i he ngaahi pule‘anga na‘e ha‘u ke tau‘i ‘a Selusalema, te nau ‘alu hake ‘i he ta‘u kotoa pē ke hū kia Kingi Sihova Sāpaoti, pea ke fai ‘a e kātoanga fale lou‘akau.#Lev 23.39-43 17Pea ka ai ha ni‘ihi tokua ‘i he ngaahi fāmili ‘o māmani ‘oku ‘ikai fie ‘alu hake ki Selusalema ke hū kia Kingi Sihova Sāpaoti, pea ‘e ‘ikai tō ha ‘uha kiate kinautolu. 18Pea kapau ‘e ‘ikai ‘alu hake ‘a e fāmili ‘o ‘Isipite, ‘o ‘ikai te nau omi, pea ‘e ‘ikai hoko ‘a e ‘uha kiate kinautolu; ‘e hoko ‘a e mala, ‘a ia ‘e taa‘i ‘aki ‘e Sihova ‘a e ngaahi pule‘anga ‘oku ‘ikai ke ‘alu hake ke fai ‘a e kātoanga fale lou‘akau. 19Ko e me‘a ko ia ‘e hoko ko e hia ‘a ‘Isipite mo e hia#14.19 pe tautea. ‘a e ngaahi pule‘anga kehekehe ko e ‘ikai te nau ‘alu hake ke fai ‘a e kātoanga fale lou‘akau.
20‘I he taimi ko ia ‘e tu‘u ‘i he ngaahi fafangu ‘o e fanga hoosi, ‘o pehē, Tāpuhā kia Sihova; pea ko e ngaahi kulo ‘i he fale ‘o Sihova ‘e tatau mo e ngaahi pēsoni afuhi ‘i he mata ‘ōlita. 21‘Io, ‘e hoko ‘a e kulo kotoa ‘i Selusalema mo Siuta ko e koto tāpuhā kia Sihova Sāpaoti: pea ‘e omi ‘a e kakai kotoa ‘oku fai feilaulau, ‘o to‘o ha taha ke fai ‘enau haka; pea ‘e ‘ikai kei ai ha Kēnani ‘i he fale ‘o Sihova Sāpaoti, ‘oka hoko ‘a e taimi ko ia.
اکنون انتخاب شده:
KO SĀKALAIA 14: TMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.
KO SĀKALAIA 14
14
Ko Selusalema mo e ngaahi Pule‘angá
1VAKAI, ‘oku hoko mai ha ‘aho ma‘a Sihova, ‘a ia ‘e tufa ai ho‘o vete ‘i ho loto kolo. He te u tānaki ‘a e ngaahi pule‘anga kotoa ki Selusalema ke tau; 2pea ‘e hamu ‘a e kolo, pea ‘e vete ‘a e ngaahi fale, pea tohotoho‘i ‘a e kau fefine, pea ko e vaeua ‘o e kolo ‘e ‘alu pōpula. Ka ko hono toe ‘o e kakai ‘e ‘ikai tu‘usi mei he kolo. 3Toki hā‘ele atu ‘a Sihova, ‘o tau mo e ngaahi pule‘anga ko ia, ‘o hangē ko e taimi ‘o ‘ene tau ‘i he ‘aho ‘o e fepaki ofi. 4Pea ko hono to‘ukupu kelekelea ‘e tu‘u ‘i he ‘aho ko ia ‘i Mo‘unga ‘Ōlive, ‘a ia ‘oku ‘i he hāngai ki Selusalema ‘i hahake, pea ‘e fahi ua ‘a Mo‘unga ‘Ōlive ‘i loto ki hahake mo hihifo, ko e tele‘a lahi ‘aupito; pea ‘e ngatolo ‘a e vaeua ‘o e mo‘unga ki he tokelau mo e vaeua ki he tonga. 5Pea te mou hola ki he tele‘a ‘o hoku ongo mo‘unga na;#14.5 ‘Oku ‘ikai ke mahino ‘a hono faka-Hepeluú. he ‘e a‘u ‘a e tele‘a ‘o e ongo mo‘unga ki ‘Ēsili; ‘io, te mou hola hangē na‘a mou hola telia ‘a e mofuike ‘i he taimi ‘o ‘Ūsaia ko e Tu‘i Siuta. Pea ‘e hā‘ele mai ‘a Sihova ko hoku ‘Otua, ‘oku ha‘ofia ‘a e ‘Afiona ‘e he kau tapu kotoa.
6Pea ‘i he hoko ‘a e ‘aho ko ia, ‘e ‘ikai maama ia; ‘e fakapoipoila ‘a e ngaahi me‘a huhulu.#14.6 ‘e ‘ikai… huhulu: ‘e ‘ikai toe ‘i ai ha momoko pe ko ha hahau ‘aisi. 7Pea ko e ‘aho ko ia ‘e taha ‘ona, ko e ‘aho ‘iloa kia Sihova: ‘e ‘ikai ‘aho, pea ‘e ‘ikai pō; ka ‘i he faifai pea hoko ‘a e taimi efiafi, ‘e toki maama.
8Pea ‘e hoko ‘i he ‘aho ko ia, ‘e ‘alu atu ha vai mo‘ui mei Selusalema; ko e vaeua ‘e tafe ki he tahi hahake, pea ko e vaeua ki he tahi hihifo: ‘e fai ai pē ‘i he sama mo e uinitā.#‘Isi 47.1; Sioné 7.38; Fkhā 22.1 9Pea ‘e hoko ‘a Sihova ko e Tu‘i ‘o Māmani kātoa: ‘i he ‘aho ko ia ‘e ‘i ai ha taha‘i Sihova pē, pea ko hono huafa ko e taha‘i Huafa.
10‘E liliu ‘a e fonua kotoa ke hangē ko ‘Alapā, mei Kepa ki Kīmoni, ‘a ia ‘oku tu‘u ki he potu tonga ‘o Selusalema; kae fakamā‘olunga ‘a e kolo, ‘o tu‘u ai pē ‘i hono potu, he fai mei he Matanikolo ‘o Penisimani ‘o a‘u ki he feitu‘u ‘o e Motu‘a Matanikolo, pea ki he Matanikolo ‘o e Tuliki; mei he Taua foki ‘o Hananeli ki he ngaahi tata‘o‘anga kālepi ‘o e tu‘i. 11Pea ‘e fai ai ha nofo, pea ‘e ‘ikai kei ‘i ai ‘a e fakamala‘ia: pea ko e nofo ‘a Selusalema ko e nofo falala.#Fkhā 22.3
12Pea ko eni ‘a e mala, ‘a ia ‘e taa‘i ‘aki ‘e Sihova ‘a e ngaahi kakai kehekehe kuo fai tau mo Selusalema: ‘e popo honau kakano lolotonga ‘oku nau kei tu‘u ‘aki honau va‘e, pea ‘e ‘auha honau ngaahi fo‘i mata ‘i honau ‘ana, pea ‘e ‘aunga honau ‘elelo ‘i honau ngutu.
13Pea ka hoko ‘a e ‘aho ko ia, ‘e ai ha fu‘u faka‘ohovale ‘a Sihova kiate kinautolu; pea ‘e puke ‘e ē ‘a e nima ‘o ē, pea ‘e hiki tā ‘a e nima ‘o ē ki he nima ‘o ē. 14Pea ko Siuta foki ‘e kau ‘i he tau ‘i Selusalema; pea ‘e tānekinga ‘a e koloa ‘o e ngaahi pule‘anga kotoa pē takatakai, ‘a e koula mo e siliva mo e kofu, ‘o lahi ‘aupito.
15Pea ‘e tatau mo ia ‘a e mala ‘e hoko ki he hoosi, ki he miuli, ki he kāmeli, pea ki ke ‘asi; ‘io, ki he fanga manu kotoa pē ‘e nofo ‘i he ngaahi ‘apitanga ko ia; ‘e tatau mo e mala ko ē.
16Pea ‘e hoko ‘o pehē, ‘ilonga ha toe ‘i he ngaahi pule‘anga na‘e ha‘u ke tau‘i ‘a Selusalema, te nau ‘alu hake ‘i he ta‘u kotoa pē ke hū kia Kingi Sihova Sāpaoti, pea ke fai ‘a e kātoanga fale lou‘akau.#Lev 23.39-43 17Pea ka ai ha ni‘ihi tokua ‘i he ngaahi fāmili ‘o māmani ‘oku ‘ikai fie ‘alu hake ki Selusalema ke hū kia Kingi Sihova Sāpaoti, pea ‘e ‘ikai tō ha ‘uha kiate kinautolu. 18Pea kapau ‘e ‘ikai ‘alu hake ‘a e fāmili ‘o ‘Isipite, ‘o ‘ikai te nau omi, pea ‘e ‘ikai hoko ‘a e ‘uha kiate kinautolu; ‘e hoko ‘a e mala, ‘a ia ‘e taa‘i ‘aki ‘e Sihova ‘a e ngaahi pule‘anga ‘oku ‘ikai ke ‘alu hake ke fai ‘a e kātoanga fale lou‘akau. 19Ko e me‘a ko ia ‘e hoko ko e hia ‘a ‘Isipite mo e hia#14.19 pe tautea. ‘a e ngaahi pule‘anga kehekehe ko e ‘ikai te nau ‘alu hake ke fai ‘a e kātoanga fale lou‘akau.
20‘I he taimi ko ia ‘e tu‘u ‘i he ngaahi fafangu ‘o e fanga hoosi, ‘o pehē, Tāpuhā kia Sihova; pea ko e ngaahi kulo ‘i he fale ‘o Sihova ‘e tatau mo e ngaahi pēsoni afuhi ‘i he mata ‘ōlita. 21‘Io, ‘e hoko ‘a e kulo kotoa ‘i Selusalema mo Siuta ko e koto tāpuhā kia Sihova Sāpaoti: pea ‘e omi ‘a e kakai kotoa ‘oku fai feilaulau, ‘o to‘o ha taha ke fai ‘enau haka; pea ‘e ‘ikai kei ai ha Kēnani ‘i he fale ‘o Sihova Sāpaoti, ‘oka hoko ‘a e taimi ko ia.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Tongan Moulton Bible © Bible Society of the South Pacific, 2011.