Madiyu 22
22
Ga tililiakilo꞉ ma꞉no꞉ ma꞉no꞉wa bale sio꞉
Luk 14.15-24
1Ya꞉su eyo꞉ kaluka꞉isalemo꞉ wa꞉ka bale sa꞉lakiyo꞉ a꞉la꞉sio꞉. 2“Godeya꞉lo꞉ bo꞉fo꞉mela꞉no꞉ man a꞉no꞉, we o꞉ngo꞉ dowab ko꞉lo꞉ bale sa꞉ma꞉nigo꞉l. Misa꞉ kalu alan nowo꞉ elen ko꞉lo꞉, eyo꞉ so꞉waya꞉lo꞉ ga tilili alitakilo꞉ ma꞉no꞉ ma꞉no꞉wo꞉ dimidaefa꞉. 3Ho꞉leno꞉ fa꞉la꞉dowabikiyo꞉, kaluka꞉isale tamin amilo꞉ saga꞉ifelo꞉ i a꞉no꞉ mena꞉ki, ene nanogdo꞉ dian kaluwo꞉ sa꞉ma꞉ni hamana꞉ki iliga꞉fo꞉. Ko꞉sega kaluka꞉isale iyo꞉ mo꞉mia꞉no꞉ asulo꞉. 4A꞉la꞉gabiki eyo꞉ ene nanogdo꞉ dian kalu nolo꞉ wa꞉ka iliga꞉fa꞉nikiyo꞉, imo꞉wo꞉ a꞉la꞉sio꞉, ‘Gio꞉ kaluka꞉isale tamin amilo꞉ saga꞉ifelo꞉ ilo꞉ a꞉na ha꞉na꞉sa꞉ga꞉yo꞉, imo꞉wo꞉ a꞉la꞉sa꞉la꞉be, “Niyo꞉ ma꞉no꞉ ma꞉no꞉ kelego꞉wo꞉ tambo dimidalia꞉ga꞉ difa꞉. Niyo꞉ kao o꞉lia꞉ kao kalofo o꞉lia꞉yo꞉ yasala꞉sa꞉ga꞉, o꞉ma ufalifa꞉ ko꞉lo꞉, gio꞉ galo꞉ tililiakilo꞉ ma꞉no꞉lo꞉ nab a꞉namio꞉ mena,” a꞉la꞉sa꞉la꞉bi.’ 5Ene nanogdo꞉ dian kaluwa꞉yo꞉ a꞉la꞉dimido꞉ ko꞉sega tamin amilo꞉ saga꞉ifelo꞉ kaluka꞉isale iyo꞉ mo꞉beaki, inido꞉ asulab au ha꞉na꞉sio꞉. Kalu nowo꞉ ene egelo꞉wa ane, nowo꞉ mole nanog dimidama꞉ni ane. 6#Madi 21.35A꞉la꞉ta꞉ga꞉ kaluka꞉isale nolba꞉yo꞉ misa꞉ kaluwa꞉ nanogdo꞉ dian kalu i a꞉no꞉ ta꞉lia꞉sa꞉ga꞉yo꞉, iyo꞉ dikidia꞉sa꞉ga꞉ yame tandeaki, sana sowo꞉. 7A꞉la꞉fo꞉ko꞉lo꞉ misa꞉ kalu a꞉no꞉ e mada kulufa꞉ya꞉sa꞉ga꞉yo꞉, ene nanogdo꞉ dian kalulo꞉ yasala꞉ kalu i a꞉no꞉, ene ame kalumo꞉ yasala꞉ma꞉ki iliga꞉fo꞉. A꞉la꞉ta꞉ga꞉ amisa꞉n inido꞉wo꞉lo꞉ deya gilima꞉ki a꞉na iliga꞉fo꞉. 8A꞉la꞉ta꞉ga꞉ misa꞉ kalu a꞉ma꞉yo꞉ ene nanogdo꞉ dian kalu imo꞉wo꞉ a꞉la꞉sio꞉, ‘Niyo꞉ ga tililiakilo꞉ ma꞉no꞉ ma꞉no꞉wo꞉ dimidali, ko꞉sega nilo꞉ mena꞉kilo꞉ ho꞉ido꞉ kaluka꞉isale i a꞉no꞉, ini mano꞉ mogago꞉ ko꞉lo꞉ mea꞉no꞉wo꞉ mo꞉ililo꞉. 9A꞉la꞉fo꞉ko꞉lo꞉ o꞉go꞉ gio꞉ ha꞉na꞉sa꞉ga꞉ tog alana yasilaki, kalu gilido꞉ galiliab a꞉no꞉ giliyo꞉ ma꞉no꞉lo꞉ ma꞉no꞉ wena tililia꞉ ya꞉bi,’ a꞉la꞉sio꞉. 10A꞉la꞉sa꞉labiki ene nanogdo꞉ dian kalu iyo꞉ ha꞉na꞉sa꞉ga꞉, tog alana fa꞉la꞉dota꞉ga꞉ yasilakiyo꞉, kalu nafayo꞉lo꞉ mogago꞉wo꞉lo꞉, kaluka꞉isale ilido꞉ gidab a꞉no꞉ tambo kegea꞉sa꞉ga꞉ tililia꞉ mio꞉ ko꞉lo꞉, ma꞉ndo꞉ ma꞉no꞉ ayo꞉ mada ililifo꞉.
11“Ko꞉sega misa꞉ kalu eneno꞉ ha꞉na꞉sa꞉ga꞉ kalu kegeo꞉ a꞉no꞉ sigiliga꞉fo꞉ amio꞉, kalu nowo꞉ ga tililiakilo꞉ so꞉g nafale sa꞉ga꞉lan a꞉no꞉ mo꞉sa꞉ga꞉lo꞉wa ba꞉ba꞉. 12Misa꞉ kalu eyo꞉ kalu o꞉mo꞉wo꞉ a꞉la꞉sio꞉, ‘Ne mili, ge ga tililiakilo꞉ so꞉g ka꞉lano꞉ mo꞉ko꞉lo꞉ amio꞉, ge waga tia꞉yo꞉?’ A꞉la꞉sa꞉labiki kalu a꞉no꞉ towo꞉ mada mo꞉sio꞉. 13#Madi 8.12, 25.30, Luk 13.28A꞉la꞉fo꞉ko꞉lo꞉ misa꞉ kalu a꞉ma꞉yo꞉ ene nanogdo꞉ dian kalumo꞉ sa꞉lakiyo꞉, ‘Kalu wema꞉ dagi o꞉lia꞉ gib o꞉lia꞉yo꞉ mela꞉sa꞉ga꞉, ha꞉la꞉ amilo꞉ sololi a꞉lab a꞉na sandifoma. Hen a꞉namio꞉ kaluka꞉isaleyo꞉ kulufa꞉yakiyo꞉, ya꞉foda꞉li mesa꞉ib.’ 14Dabuma, Gode eyo꞉ kaluka꞉isaleyo꞉ modo꞉ mena꞉ki ho꞉leli ko꞉sega, kaluka꞉isale imilida꞉ imilida꞉lo꞉wa꞉ timana꞉ki da꞉fe alifa꞉ ko꞉lo꞉lab.” Ya꞉su eyo꞉ a꞉la꞉wido꞉.
Moleyo꞉ Sisamo꞉ dimia꞉no꞉wa꞉le a꞉la꞉dabu ba꞉ba꞉
Mak 12.13-17, Luk 20.20-26
15 #
Mak 3.6
A꞉ma꞉ fa꞉s amio꞉, Fa꞉lisi kalu iyo꞉ ua kegea꞉sa꞉ga꞉ nenelakiyo꞉, Ya꞉su elo꞉ to sa꞉lab a꞉no꞉ dehege sa꞉la꞉sa꞉ga꞉ Ya꞉suwo꞉ a꞉na mo꞉walilima꞉no꞉ a꞉la꞉ta꞉ga꞉ togo꞉ kedo꞉. 16A꞉la꞉dimidama꞉kiyo꞉ iliyo꞉ inido꞉ tili wida꞉sen kalu nolo꞉ Ya꞉sulo꞉wa iliga꞉tabiki, iyo꞉ Ha꞉lodo꞉ kudu sian kalu nol o꞉lia꞉yo꞉ Ya꞉sulo꞉wa ane. Kalu i a꞉ma꞉yo꞉ Ya꞉sumo꞉wo꞉ a꞉la꞉sio꞉, “Widan kalu, niliyo꞉ ge to hendelelo꞉ sa꞉lan kaluwo꞉ ge a꞉la꞉asula꞉sen. Godeya꞉ mano꞉ widakiyo꞉, giyo꞉ to hendeleyo꞉ ko꞉lo꞉ wida꞉sen. Wilo꞉ kalumo꞉wo꞉lo꞉, wilo꞉ma kalumo꞉wo꞉lo꞉, giyo꞉ to mano꞉ imilo꞉ ko꞉ngo꞉ ka widakiyo꞉, ililo꞉ asulab a꞉no꞉ giyo꞉ mo꞉kele asula꞉sen. 17A꞉la꞉fo꞉ko꞉lo꞉ niliyo꞉ gemo꞉wo꞉ we au dabu ba꞉ba꞉nigo꞉l. Loma꞉ gamani misa꞉ kalu alan, Sisa o꞉mo꞉lo꞉ takis mole dimia꞉no꞉ a꞉no꞉ niliyo꞉ o꞉li dimia꞉no꞉wa꞉le? O꞉ mo꞉dimia꞉no꞉wa꞉le, giyo꞉ waga asulaya?” 18A꞉la꞉dabu ba꞉dabiki, Ya꞉su eyo꞉ ililo꞉ emo꞉lo꞉ man mogago꞉ dimidama꞉nikilo꞉ dimidaliab a꞉no꞉ asula꞉sa꞉ga꞉, imo꞉wo꞉ a꞉la꞉dabu ba꞉ba꞉, “To mosowa꞉lo꞉ widan kalu giliyo꞉, ne dikidakilo꞉ bale kedako, mo꞉wo꞉ ha꞉? 19-20Takis kililia꞉sen mole us nowo꞉ nelo꞉ walama,” a꞉la꞉sio꞉. Iliyo꞉ mole us a꞉no꞉ Ya꞉sulo꞉ bo꞉ba꞉ki dimiabikiyo꞉, eyo꞉ imo꞉wo꞉ a꞉la꞉dabu ba꞉ba꞉, “Mole wema꞉ wa꞉l amio꞉ abe wo꞉lokano꞉lo꞉bo꞉? A꞉la꞉ta꞉ga꞉ mole wa꞉l amio꞉ abe wi ko꞉lo꞉ sa꞉sa꞉lo꞉lo꞉bo꞉?” 21#Lom 13.7A꞉la꞉dabu ba꞉dabiki, ili a꞉ma꞉la꞉ sa꞉lakiyo꞉, “Sisa eno꞉.” A꞉la꞉sa꞉labiki Ya꞉su eyo꞉ imo꞉wo꞉ a꞉la꞉sio꞉, “A꞉la꞉fo꞉ko꞉lo꞉ kelego꞉ Sisa elo꞉wo꞉, a꞉ma꞉la꞉ Sisamo꞉ dimia꞉bi. A꞉la꞉ta꞉ga꞉ kelego꞉ Gode elo꞉wo꞉, a꞉ma꞉la꞉ Godemo꞉ dimia꞉bi.” 22Iyo꞉ Ya꞉suwa꞉lo꞉ to nafa a꞉ma꞉la꞉do꞉ sa꞉lab a꞉no꞉ da꞉da꞉sa꞉ga꞉, iyo꞉ molo asulo꞉. A꞉la꞉fo꞉ko꞉lo꞉ iyo꞉ Ya꞉suwo꞉ ta꞉ta꞉sa꞉ga꞉ ha꞉na꞉sio꞉.
Sowo꞉ kalu dasima꞉nigab a꞉no꞉ wagama꞉iba?
Mak 12.18-27, Luk 20.27-40
23 #
Ilig 23.8
Sadusi kalu iliyo꞉ tili asulakiyo꞉, sowo꞉ kaluwo꞉ a꞉ma꞉la꞉yo꞉ mada mo꞉dasima꞉ib a꞉la꞉asula꞉sen. A꞉la꞉fo꞉ko꞉lo꞉ o꞉g ho꞉lende a꞉namio꞉ Sadusi kalu nolo꞉ Ya꞉sulo꞉wa ya꞉sa꞉ga꞉ a꞉la꞉dabu ba꞉ba꞉, 24#Lo 25.5“Widan kalu, mo꞉luwo꞉ Mo꞉sa꞉sa꞉ ele nimo꞉lo꞉ sa꞉sa꞉li me a꞉ma꞉yo꞉ a꞉la꞉sio꞉, So꞉lo꞉ usamio꞉ kalu nowo꞉ so꞉walo꞉ mo꞉sa꞉la꞉li ka sowalega, kalu sowo꞉ a꞉ma꞉ ga sa꞉ba꞉lo꞉ a꞉no꞉, ene ao a꞉ma꞉ dia꞉ib. A꞉la꞉ta꞉ga꞉ kalu sowo꞉ a꞉ma꞉ wiyo꞉ mo꞉elema꞉ki, aowa꞉ inga sa꞉ba꞉lo꞉ a꞉no꞉ ene dia꞉sa꞉ga꞉ so꞉wa wa꞉la꞉b sa꞉la꞉liab a꞉no꞉, ao sowo꞉ a꞉ma꞉no꞉ doma꞉ib. Mo꞉sa꞉s eyo꞉ a꞉la꞉saefa꞉. 25Niliyo꞉ a꞉no꞉ ko꞉lo꞉ da꞉feaki maloloma꞉nigo꞉l. Tamin amio꞉ ao i dom a꞉la꞉fo꞉wo꞉ ni o꞉lia꞉ sen. Ao wa꞉la꞉bo꞉ gayo꞉ di, ko꞉sega e so꞉wayo꞉ mo꞉sa꞉la꞉li ka sowo꞉. A꞉la꞉fo꞉ko꞉lo꞉ ga sa꞉ba꞉lo꞉ a꞉no꞉ wa꞉la꞉ba꞉ fa꞉sa꞉ a꞉di. 26Elo꞉ so꞉walo꞉ mo꞉sa꞉la꞉li ka sowo꞉. Ao asol a꞉ma꞉yo꞉ a꞉la꞉ka dimido꞉. Ao i a꞉no꞉ tambo a꞉la꞉dimida꞉i aneyo꞉, ao doma꞉ a꞉dia꞉sa꞉ga꞉ sowo꞉. 27A꞉la꞉ta꞉ga꞉ a꞉ma꞉ fa꞉s amio꞉, ga sa꞉ba꞉lo꞉ a꞉no꞉lo꞉ a꞉na sowo꞉. 28Kalu doma꞉la꞉fo꞉ a꞉ma꞉yo꞉ ga imilig a꞉no꞉ko꞉ dia꞉i ane. A꞉la꞉fo꞉ko꞉lo꞉ kalu sowo꞉lo꞉ a꞉ma꞉la꞉ dasi alifelab ho꞉len a꞉namio꞉, ga a꞉ma꞉ indeyo꞉ o꞉b doma꞉iba?” Sadusi kalu iliyo꞉ Ya꞉sumo꞉ dehege kedakiyo꞉ a꞉la꞉dabu ba꞉ba꞉.
29Ko꞉sega Ya꞉su eyo꞉ imo꞉wo꞉ a꞉la꞉sio꞉, “Godeya꞉ to sa꞉sa꞉lo꞉ o꞉lia꞉, Godeya꞉ halaido꞉ o꞉lia꞉yo꞉ gio꞉ mo꞉fanda asulo꞉ ko꞉lo꞉, giliyo꞉ mada babale asula꞉sa꞉ga꞉ ha꞉na꞉len. 30Kalu sowo꞉lo꞉ a꞉ma꞉la꞉ dasi alifelab ho꞉len a꞉namio꞉, iyo꞉ ga dian man o꞉lia꞉ kalu ha꞉nan man a꞉no꞉lia꞉yo꞉ i amio꞉ mo꞉doma꞉ib. Ko꞉sega iyo꞉ Hebenelo꞉ ma꞉mula꞉ kalu sab o꞉leo꞉ngo꞉ doma꞉ib. 31-32#Kis 3.6, Madi 8.11Sowo꞉ kalu ko꞉lo꞉ a꞉ma꞉la꞉ dasima꞉ib a꞉la꞉liki, Godeya꞉lo꞉ to ko꞉lo꞉ gimo꞉lo꞉ sio꞉ a꞉no꞉, ge mo꞉agelo꞉wo꞉? To a꞉namio꞉ a꞉la꞉sa꞉sa꞉lo꞉, ‘Ablahama꞉ Godeyo꞉ Ne, Aisa꞉ga꞉ Godeyo꞉ Ne, a꞉la꞉ta꞉ga꞉ Ya꞉koba꞉ Godeyo꞉ Ne.’ Gode e sowo꞉ kalu a꞉ma꞉no꞉ma. E kalu mela꞉no꞉lo꞉ a꞉lab a꞉ma꞉ Gode.” 33Kaluka꞉isale kegeo꞉ i a꞉ma꞉yo꞉ Ya꞉suwa꞉lo꞉ to widab a꞉no꞉ da꞉dakiyo꞉, iyo꞉ iligaki molo asulo꞉.
Godeya꞉ ele alano꞉ o꞉ba꞉le a꞉la꞉li dabu ba꞉ba꞉
Mak 12.28-34, Luk 10.25-28
34Sadusi kalu iliyo꞉ Ya꞉suwo꞉ da꞉fe ba꞉dabikiyo꞉, Ya꞉suwa꞉lo꞉ to imo꞉lo꞉ a꞉ma꞉la꞉ sa꞉lab a꞉ma꞉yo꞉, iyo꞉ towo꞉ mo꞉sama꞉ki kalifa꞉ ko꞉lo꞉, Fa꞉lisi kalu iyo꞉ a꞉no꞉ da꞉da꞉sa꞉ga꞉yo꞉, iliyo꞉ Ya꞉sumo꞉wo꞉ wa꞉ka dabu ba꞉ba꞉no꞉ a꞉laki kegeo꞉. 35Fa꞉lisi kalu nowo꞉ elelo꞉ doba꞉da꞉yo꞉ asulo꞉wo꞉ di ko꞉lo꞉, eyo꞉ Ya꞉suwo꞉ da꞉fe ba꞉dakiyo꞉, emo꞉wo꞉ a꞉la꞉ dehege dabu ba꞉ba꞉, 36“Widan kalu, Godeya꞉ ele modo꞉ difa꞉ us a꞉namio꞉, ele imilig mada alandeyo꞉ o꞉ba꞉le?” 37#Lo 6.5Ya꞉su eyo꞉ a꞉ma꞉la꞉bo꞉ a꞉la꞉sio꞉, “Go꞉no꞉n Gode Alano꞉ mada alan asulaki, go꞉no꞉n kufa꞉ us o꞉lia꞉, go꞉no꞉n mama o꞉lia꞉, go꞉no꞉n asulo꞉ o꞉lia꞉ma꞉yo꞉ tambo Godemo꞉wo꞉ ha꞉fo꞉ disa꞉la꞉bi. 38Ele we mada alandeyo꞉ o꞉m ko꞉lo꞉, ele nolo꞉ tambo tinio꞉ ko꞉lo꞉lab. 39#Wkp 19.18, Madi 7.12A꞉la꞉ta꞉ga꞉ ele andeb a꞉no꞉lo꞉ imilo꞉ ko꞉ngo꞉ da꞉lab ko꞉lo꞉ to a꞉no꞉ we, Gio꞉ go꞉no꞉n asulan o꞉leaumbo꞉, giasi kaluka꞉isale nolo꞉lo꞉ a꞉la꞉asulaki ha꞉fo꞉wo꞉ disa꞉la꞉lubi. 40#Lom 13.10, Gala 5.14Ele a꞉la꞉ a꞉no꞉, Mo꞉sa꞉sa꞉lo꞉ ele difa꞉ da꞉lab o꞉lia꞉ dinali sa꞉lan kaluwa꞉lo꞉ to wido꞉ a꞉no꞉lia꞉ma꞉ mo꞉wo꞉ o꞉m ko꞉lo꞉, nolo꞉ a꞉ma꞉ go꞉lu alifa꞉ ko꞉lo꞉lab.” Ya꞉su eyo꞉ a꞉la꞉wido꞉.
Godeya꞉lo꞉ da꞉feyo꞉ kaluwo꞉ o꞉ba꞉le a꞉la꞉liki Ya꞉su eyo꞉ Fa꞉lisi kalumo꞉ dabu ba꞉ba꞉
Mak 12.35-37, Luk 20.41-44
41Fa꞉lisi kalu nolo꞉ kegenelia꞉ga꞉ a꞉labiki, Ya꞉su eyo꞉ imo꞉wo꞉ a꞉la꞉dabu ba꞉ba꞉, 42#Yo꞉n 7.42“Gililo꞉ Godeya꞉lo꞉ da꞉feyo꞉ kalu a꞉la꞉do꞉ sa꞉lab a꞉no꞉, giliyo꞉ waga asulaya? E so꞉wa abeno꞉wo꞉?” A꞉la꞉dabu ba꞉dabiki, iliyo꞉, “Da꞉ibida꞉ inso꞉” a꞉la꞉sio꞉. 43Ya꞉su eyo꞉ imo꞉wo꞉ a꞉la꞉sio꞉, “A꞉la꞉go꞉ amio꞉, Godeya꞉ Mama eyo꞉ Da꞉ibid emo꞉ asulo꞉wo꞉ dimiabikiyo꞉, Da꞉ibid eyo꞉ Godeya꞉lo꞉ da꞉feyo꞉ kalu a꞉no꞉ ko꞉lo꞉ sa꞉laki a꞉la꞉sio꞉, ‘Ni Alanka꞉.’ Kalu a꞉no꞉ Da꞉ibida꞉ inso꞉lalega, Da꞉ibid eyo꞉ ‘ni Kalu Alan’ a꞉la꞉bo꞉ waga asulaki sio꞉wo꞉? Da꞉ibid eyo꞉ a꞉la꞉sio꞉,
44 #
Song 110.1, Madi 26.64 “ ‘Gode eyo꞉ ni Alanbo꞉wo꞉ a꞉la꞉sio꞉,
“Ge ni dagi ililiba mesa꞉ni mena.
Niyo꞉ gis kalu gilo꞉wo꞉ gi ha꞉g amio꞉ semo꞉ difa꞉ amio꞉,
a꞉na o꞉sa꞉bi.” ’
45Da꞉ibid eyo꞉ Godeya꞉lo꞉ Da꞉feyo꞉ kalu a꞉no꞉, ‘Alan nilo꞉wo꞉ weka꞉’ a꞉la꞉sio꞉ ko꞉lo꞉, giliyo꞉ kalu a꞉no꞉ Da꞉ibida꞉ inso꞉ a꞉la꞉do꞉ sio꞉wo꞉ mo꞉wo꞉ ha꞉?” 46Ya꞉suwa꞉lo꞉ dabu ba꞉dab a꞉no꞉, Fa꞉lisi kalu kegeo꞉ tambowa꞉yo꞉ a꞉ma꞉la꞉ towo꞉ mada mo꞉sa꞉ma꞉no꞉ dowo꞉. O꞉g ho꞉len a꞉na a꞉la꞉ta꞉ga꞉yo꞉, iyo꞉ tagilaki Ya꞉sumo꞉wo꞉ wa꞉kabiyo꞉ mo꞉dabu ba꞉ba꞉.
اکنون انتخاب شده:
Madiyu 22: BCO
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 (Active), Wycliffe Bible Translators, Inc. All rights reserved.
Madiyu 22
22
Ga tililiakilo꞉ ma꞉no꞉ ma꞉no꞉wa bale sio꞉
Luk 14.15-24
1Ya꞉su eyo꞉ kaluka꞉isalemo꞉ wa꞉ka bale sa꞉lakiyo꞉ a꞉la꞉sio꞉. 2“Godeya꞉lo꞉ bo꞉fo꞉mela꞉no꞉ man a꞉no꞉, we o꞉ngo꞉ dowab ko꞉lo꞉ bale sa꞉ma꞉nigo꞉l. Misa꞉ kalu alan nowo꞉ elen ko꞉lo꞉, eyo꞉ so꞉waya꞉lo꞉ ga tilili alitakilo꞉ ma꞉no꞉ ma꞉no꞉wo꞉ dimidaefa꞉. 3Ho꞉leno꞉ fa꞉la꞉dowabikiyo꞉, kaluka꞉isale tamin amilo꞉ saga꞉ifelo꞉ i a꞉no꞉ mena꞉ki, ene nanogdo꞉ dian kaluwo꞉ sa꞉ma꞉ni hamana꞉ki iliga꞉fo꞉. Ko꞉sega kaluka꞉isale iyo꞉ mo꞉mia꞉no꞉ asulo꞉. 4A꞉la꞉gabiki eyo꞉ ene nanogdo꞉ dian kalu nolo꞉ wa꞉ka iliga꞉fa꞉nikiyo꞉, imo꞉wo꞉ a꞉la꞉sio꞉, ‘Gio꞉ kaluka꞉isale tamin amilo꞉ saga꞉ifelo꞉ ilo꞉ a꞉na ha꞉na꞉sa꞉ga꞉yo꞉, imo꞉wo꞉ a꞉la꞉sa꞉la꞉be, “Niyo꞉ ma꞉no꞉ ma꞉no꞉ kelego꞉wo꞉ tambo dimidalia꞉ga꞉ difa꞉. Niyo꞉ kao o꞉lia꞉ kao kalofo o꞉lia꞉yo꞉ yasala꞉sa꞉ga꞉, o꞉ma ufalifa꞉ ko꞉lo꞉, gio꞉ galo꞉ tililiakilo꞉ ma꞉no꞉lo꞉ nab a꞉namio꞉ mena,” a꞉la꞉sa꞉la꞉bi.’ 5Ene nanogdo꞉ dian kaluwa꞉yo꞉ a꞉la꞉dimido꞉ ko꞉sega tamin amilo꞉ saga꞉ifelo꞉ kaluka꞉isale iyo꞉ mo꞉beaki, inido꞉ asulab au ha꞉na꞉sio꞉. Kalu nowo꞉ ene egelo꞉wa ane, nowo꞉ mole nanog dimidama꞉ni ane. 6#Madi 21.35A꞉la꞉ta꞉ga꞉ kaluka꞉isale nolba꞉yo꞉ misa꞉ kaluwa꞉ nanogdo꞉ dian kalu i a꞉no꞉ ta꞉lia꞉sa꞉ga꞉yo꞉, iyo꞉ dikidia꞉sa꞉ga꞉ yame tandeaki, sana sowo꞉. 7A꞉la꞉fo꞉ko꞉lo꞉ misa꞉ kalu a꞉no꞉ e mada kulufa꞉ya꞉sa꞉ga꞉yo꞉, ene nanogdo꞉ dian kalulo꞉ yasala꞉ kalu i a꞉no꞉, ene ame kalumo꞉ yasala꞉ma꞉ki iliga꞉fo꞉. A꞉la꞉ta꞉ga꞉ amisa꞉n inido꞉wo꞉lo꞉ deya gilima꞉ki a꞉na iliga꞉fo꞉. 8A꞉la꞉ta꞉ga꞉ misa꞉ kalu a꞉ma꞉yo꞉ ene nanogdo꞉ dian kalu imo꞉wo꞉ a꞉la꞉sio꞉, ‘Niyo꞉ ga tililiakilo꞉ ma꞉no꞉ ma꞉no꞉wo꞉ dimidali, ko꞉sega nilo꞉ mena꞉kilo꞉ ho꞉ido꞉ kaluka꞉isale i a꞉no꞉, ini mano꞉ mogago꞉ ko꞉lo꞉ mea꞉no꞉wo꞉ mo꞉ililo꞉. 9A꞉la꞉fo꞉ko꞉lo꞉ o꞉go꞉ gio꞉ ha꞉na꞉sa꞉ga꞉ tog alana yasilaki, kalu gilido꞉ galiliab a꞉no꞉ giliyo꞉ ma꞉no꞉lo꞉ ma꞉no꞉ wena tililia꞉ ya꞉bi,’ a꞉la꞉sio꞉. 10A꞉la꞉sa꞉labiki ene nanogdo꞉ dian kalu iyo꞉ ha꞉na꞉sa꞉ga꞉, tog alana fa꞉la꞉dota꞉ga꞉ yasilakiyo꞉, kalu nafayo꞉lo꞉ mogago꞉wo꞉lo꞉, kaluka꞉isale ilido꞉ gidab a꞉no꞉ tambo kegea꞉sa꞉ga꞉ tililia꞉ mio꞉ ko꞉lo꞉, ma꞉ndo꞉ ma꞉no꞉ ayo꞉ mada ililifo꞉.
11“Ko꞉sega misa꞉ kalu eneno꞉ ha꞉na꞉sa꞉ga꞉ kalu kegeo꞉ a꞉no꞉ sigiliga꞉fo꞉ amio꞉, kalu nowo꞉ ga tililiakilo꞉ so꞉g nafale sa꞉ga꞉lan a꞉no꞉ mo꞉sa꞉ga꞉lo꞉wa ba꞉ba꞉. 12Misa꞉ kalu eyo꞉ kalu o꞉mo꞉wo꞉ a꞉la꞉sio꞉, ‘Ne mili, ge ga tililiakilo꞉ so꞉g ka꞉lano꞉ mo꞉ko꞉lo꞉ amio꞉, ge waga tia꞉yo꞉?’ A꞉la꞉sa꞉labiki kalu a꞉no꞉ towo꞉ mada mo꞉sio꞉. 13#Madi 8.12, 25.30, Luk 13.28A꞉la꞉fo꞉ko꞉lo꞉ misa꞉ kalu a꞉ma꞉yo꞉ ene nanogdo꞉ dian kalumo꞉ sa꞉lakiyo꞉, ‘Kalu wema꞉ dagi o꞉lia꞉ gib o꞉lia꞉yo꞉ mela꞉sa꞉ga꞉, ha꞉la꞉ amilo꞉ sololi a꞉lab a꞉na sandifoma. Hen a꞉namio꞉ kaluka꞉isaleyo꞉ kulufa꞉yakiyo꞉, ya꞉foda꞉li mesa꞉ib.’ 14Dabuma, Gode eyo꞉ kaluka꞉isaleyo꞉ modo꞉ mena꞉ki ho꞉leli ko꞉sega, kaluka꞉isale imilida꞉ imilida꞉lo꞉wa꞉ timana꞉ki da꞉fe alifa꞉ ko꞉lo꞉lab.” Ya꞉su eyo꞉ a꞉la꞉wido꞉.
Moleyo꞉ Sisamo꞉ dimia꞉no꞉wa꞉le a꞉la꞉dabu ba꞉ba꞉
Mak 12.13-17, Luk 20.20-26
15 #
Mak 3.6
A꞉ma꞉ fa꞉s amio꞉, Fa꞉lisi kalu iyo꞉ ua kegea꞉sa꞉ga꞉ nenelakiyo꞉, Ya꞉su elo꞉ to sa꞉lab a꞉no꞉ dehege sa꞉la꞉sa꞉ga꞉ Ya꞉suwo꞉ a꞉na mo꞉walilima꞉no꞉ a꞉la꞉ta꞉ga꞉ togo꞉ kedo꞉. 16A꞉la꞉dimidama꞉kiyo꞉ iliyo꞉ inido꞉ tili wida꞉sen kalu nolo꞉ Ya꞉sulo꞉wa iliga꞉tabiki, iyo꞉ Ha꞉lodo꞉ kudu sian kalu nol o꞉lia꞉yo꞉ Ya꞉sulo꞉wa ane. Kalu i a꞉ma꞉yo꞉ Ya꞉sumo꞉wo꞉ a꞉la꞉sio꞉, “Widan kalu, niliyo꞉ ge to hendelelo꞉ sa꞉lan kaluwo꞉ ge a꞉la꞉asula꞉sen. Godeya꞉ mano꞉ widakiyo꞉, giyo꞉ to hendeleyo꞉ ko꞉lo꞉ wida꞉sen. Wilo꞉ kalumo꞉wo꞉lo꞉, wilo꞉ma kalumo꞉wo꞉lo꞉, giyo꞉ to mano꞉ imilo꞉ ko꞉ngo꞉ ka widakiyo꞉, ililo꞉ asulab a꞉no꞉ giyo꞉ mo꞉kele asula꞉sen. 17A꞉la꞉fo꞉ko꞉lo꞉ niliyo꞉ gemo꞉wo꞉ we au dabu ba꞉ba꞉nigo꞉l. Loma꞉ gamani misa꞉ kalu alan, Sisa o꞉mo꞉lo꞉ takis mole dimia꞉no꞉ a꞉no꞉ niliyo꞉ o꞉li dimia꞉no꞉wa꞉le? O꞉ mo꞉dimia꞉no꞉wa꞉le, giyo꞉ waga asulaya?” 18A꞉la꞉dabu ba꞉dabiki, Ya꞉su eyo꞉ ililo꞉ emo꞉lo꞉ man mogago꞉ dimidama꞉nikilo꞉ dimidaliab a꞉no꞉ asula꞉sa꞉ga꞉, imo꞉wo꞉ a꞉la꞉dabu ba꞉ba꞉, “To mosowa꞉lo꞉ widan kalu giliyo꞉, ne dikidakilo꞉ bale kedako, mo꞉wo꞉ ha꞉? 19-20Takis kililia꞉sen mole us nowo꞉ nelo꞉ walama,” a꞉la꞉sio꞉. Iliyo꞉ mole us a꞉no꞉ Ya꞉sulo꞉ bo꞉ba꞉ki dimiabikiyo꞉, eyo꞉ imo꞉wo꞉ a꞉la꞉dabu ba꞉ba꞉, “Mole wema꞉ wa꞉l amio꞉ abe wo꞉lokano꞉lo꞉bo꞉? A꞉la꞉ta꞉ga꞉ mole wa꞉l amio꞉ abe wi ko꞉lo꞉ sa꞉sa꞉lo꞉lo꞉bo꞉?” 21#Lom 13.7A꞉la꞉dabu ba꞉dabiki, ili a꞉ma꞉la꞉ sa꞉lakiyo꞉, “Sisa eno꞉.” A꞉la꞉sa꞉labiki Ya꞉su eyo꞉ imo꞉wo꞉ a꞉la꞉sio꞉, “A꞉la꞉fo꞉ko꞉lo꞉ kelego꞉ Sisa elo꞉wo꞉, a꞉ma꞉la꞉ Sisamo꞉ dimia꞉bi. A꞉la꞉ta꞉ga꞉ kelego꞉ Gode elo꞉wo꞉, a꞉ma꞉la꞉ Godemo꞉ dimia꞉bi.” 22Iyo꞉ Ya꞉suwa꞉lo꞉ to nafa a꞉ma꞉la꞉do꞉ sa꞉lab a꞉no꞉ da꞉da꞉sa꞉ga꞉, iyo꞉ molo asulo꞉. A꞉la꞉fo꞉ko꞉lo꞉ iyo꞉ Ya꞉suwo꞉ ta꞉ta꞉sa꞉ga꞉ ha꞉na꞉sio꞉.
Sowo꞉ kalu dasima꞉nigab a꞉no꞉ wagama꞉iba?
Mak 12.18-27, Luk 20.27-40
23 #
Ilig 23.8
Sadusi kalu iliyo꞉ tili asulakiyo꞉, sowo꞉ kaluwo꞉ a꞉ma꞉la꞉yo꞉ mada mo꞉dasima꞉ib a꞉la꞉asula꞉sen. A꞉la꞉fo꞉ko꞉lo꞉ o꞉g ho꞉lende a꞉namio꞉ Sadusi kalu nolo꞉ Ya꞉sulo꞉wa ya꞉sa꞉ga꞉ a꞉la꞉dabu ba꞉ba꞉, 24#Lo 25.5“Widan kalu, mo꞉luwo꞉ Mo꞉sa꞉sa꞉ ele nimo꞉lo꞉ sa꞉sa꞉li me a꞉ma꞉yo꞉ a꞉la꞉sio꞉, So꞉lo꞉ usamio꞉ kalu nowo꞉ so꞉walo꞉ mo꞉sa꞉la꞉li ka sowalega, kalu sowo꞉ a꞉ma꞉ ga sa꞉ba꞉lo꞉ a꞉no꞉, ene ao a꞉ma꞉ dia꞉ib. A꞉la꞉ta꞉ga꞉ kalu sowo꞉ a꞉ma꞉ wiyo꞉ mo꞉elema꞉ki, aowa꞉ inga sa꞉ba꞉lo꞉ a꞉no꞉ ene dia꞉sa꞉ga꞉ so꞉wa wa꞉la꞉b sa꞉la꞉liab a꞉no꞉, ao sowo꞉ a꞉ma꞉no꞉ doma꞉ib. Mo꞉sa꞉s eyo꞉ a꞉la꞉saefa꞉. 25Niliyo꞉ a꞉no꞉ ko꞉lo꞉ da꞉feaki maloloma꞉nigo꞉l. Tamin amio꞉ ao i dom a꞉la꞉fo꞉wo꞉ ni o꞉lia꞉ sen. Ao wa꞉la꞉bo꞉ gayo꞉ di, ko꞉sega e so꞉wayo꞉ mo꞉sa꞉la꞉li ka sowo꞉. A꞉la꞉fo꞉ko꞉lo꞉ ga sa꞉ba꞉lo꞉ a꞉no꞉ wa꞉la꞉ba꞉ fa꞉sa꞉ a꞉di. 26Elo꞉ so꞉walo꞉ mo꞉sa꞉la꞉li ka sowo꞉. Ao asol a꞉ma꞉yo꞉ a꞉la꞉ka dimido꞉. Ao i a꞉no꞉ tambo a꞉la꞉dimida꞉i aneyo꞉, ao doma꞉ a꞉dia꞉sa꞉ga꞉ sowo꞉. 27A꞉la꞉ta꞉ga꞉ a꞉ma꞉ fa꞉s amio꞉, ga sa꞉ba꞉lo꞉ a꞉no꞉lo꞉ a꞉na sowo꞉. 28Kalu doma꞉la꞉fo꞉ a꞉ma꞉yo꞉ ga imilig a꞉no꞉ko꞉ dia꞉i ane. A꞉la꞉fo꞉ko꞉lo꞉ kalu sowo꞉lo꞉ a꞉ma꞉la꞉ dasi alifelab ho꞉len a꞉namio꞉, ga a꞉ma꞉ indeyo꞉ o꞉b doma꞉iba?” Sadusi kalu iliyo꞉ Ya꞉sumo꞉ dehege kedakiyo꞉ a꞉la꞉dabu ba꞉ba꞉.
29Ko꞉sega Ya꞉su eyo꞉ imo꞉wo꞉ a꞉la꞉sio꞉, “Godeya꞉ to sa꞉sa꞉lo꞉ o꞉lia꞉, Godeya꞉ halaido꞉ o꞉lia꞉yo꞉ gio꞉ mo꞉fanda asulo꞉ ko꞉lo꞉, giliyo꞉ mada babale asula꞉sa꞉ga꞉ ha꞉na꞉len. 30Kalu sowo꞉lo꞉ a꞉ma꞉la꞉ dasi alifelab ho꞉len a꞉namio꞉, iyo꞉ ga dian man o꞉lia꞉ kalu ha꞉nan man a꞉no꞉lia꞉yo꞉ i amio꞉ mo꞉doma꞉ib. Ko꞉sega iyo꞉ Hebenelo꞉ ma꞉mula꞉ kalu sab o꞉leo꞉ngo꞉ doma꞉ib. 31-32#Kis 3.6, Madi 8.11Sowo꞉ kalu ko꞉lo꞉ a꞉ma꞉la꞉ dasima꞉ib a꞉la꞉liki, Godeya꞉lo꞉ to ko꞉lo꞉ gimo꞉lo꞉ sio꞉ a꞉no꞉, ge mo꞉agelo꞉wo꞉? To a꞉namio꞉ a꞉la꞉sa꞉sa꞉lo꞉, ‘Ablahama꞉ Godeyo꞉ Ne, Aisa꞉ga꞉ Godeyo꞉ Ne, a꞉la꞉ta꞉ga꞉ Ya꞉koba꞉ Godeyo꞉ Ne.’ Gode e sowo꞉ kalu a꞉ma꞉no꞉ma. E kalu mela꞉no꞉lo꞉ a꞉lab a꞉ma꞉ Gode.” 33Kaluka꞉isale kegeo꞉ i a꞉ma꞉yo꞉ Ya꞉suwa꞉lo꞉ to widab a꞉no꞉ da꞉dakiyo꞉, iyo꞉ iligaki molo asulo꞉.
Godeya꞉ ele alano꞉ o꞉ba꞉le a꞉la꞉li dabu ba꞉ba꞉
Mak 12.28-34, Luk 10.25-28
34Sadusi kalu iliyo꞉ Ya꞉suwo꞉ da꞉fe ba꞉dabikiyo꞉, Ya꞉suwa꞉lo꞉ to imo꞉lo꞉ a꞉ma꞉la꞉ sa꞉lab a꞉ma꞉yo꞉, iyo꞉ towo꞉ mo꞉sama꞉ki kalifa꞉ ko꞉lo꞉, Fa꞉lisi kalu iyo꞉ a꞉no꞉ da꞉da꞉sa꞉ga꞉yo꞉, iliyo꞉ Ya꞉sumo꞉wo꞉ wa꞉ka dabu ba꞉ba꞉no꞉ a꞉laki kegeo꞉. 35Fa꞉lisi kalu nowo꞉ elelo꞉ doba꞉da꞉yo꞉ asulo꞉wo꞉ di ko꞉lo꞉, eyo꞉ Ya꞉suwo꞉ da꞉fe ba꞉dakiyo꞉, emo꞉wo꞉ a꞉la꞉ dehege dabu ba꞉ba꞉, 36“Widan kalu, Godeya꞉ ele modo꞉ difa꞉ us a꞉namio꞉, ele imilig mada alandeyo꞉ o꞉ba꞉le?” 37#Lo 6.5Ya꞉su eyo꞉ a꞉ma꞉la꞉bo꞉ a꞉la꞉sio꞉, “Go꞉no꞉n Gode Alano꞉ mada alan asulaki, go꞉no꞉n kufa꞉ us o꞉lia꞉, go꞉no꞉n mama o꞉lia꞉, go꞉no꞉n asulo꞉ o꞉lia꞉ma꞉yo꞉ tambo Godemo꞉wo꞉ ha꞉fo꞉ disa꞉la꞉bi. 38Ele we mada alandeyo꞉ o꞉m ko꞉lo꞉, ele nolo꞉ tambo tinio꞉ ko꞉lo꞉lab. 39#Wkp 19.18, Madi 7.12A꞉la꞉ta꞉ga꞉ ele andeb a꞉no꞉lo꞉ imilo꞉ ko꞉ngo꞉ da꞉lab ko꞉lo꞉ to a꞉no꞉ we, Gio꞉ go꞉no꞉n asulan o꞉leaumbo꞉, giasi kaluka꞉isale nolo꞉lo꞉ a꞉la꞉asulaki ha꞉fo꞉wo꞉ disa꞉la꞉lubi. 40#Lom 13.10, Gala 5.14Ele a꞉la꞉ a꞉no꞉, Mo꞉sa꞉sa꞉lo꞉ ele difa꞉ da꞉lab o꞉lia꞉ dinali sa꞉lan kaluwa꞉lo꞉ to wido꞉ a꞉no꞉lia꞉ma꞉ mo꞉wo꞉ o꞉m ko꞉lo꞉, nolo꞉ a꞉ma꞉ go꞉lu alifa꞉ ko꞉lo꞉lab.” Ya꞉su eyo꞉ a꞉la꞉wido꞉.
Godeya꞉lo꞉ da꞉feyo꞉ kaluwo꞉ o꞉ba꞉le a꞉la꞉liki Ya꞉su eyo꞉ Fa꞉lisi kalumo꞉ dabu ba꞉ba꞉
Mak 12.35-37, Luk 20.41-44
41Fa꞉lisi kalu nolo꞉ kegenelia꞉ga꞉ a꞉labiki, Ya꞉su eyo꞉ imo꞉wo꞉ a꞉la꞉dabu ba꞉ba꞉, 42#Yo꞉n 7.42“Gililo꞉ Godeya꞉lo꞉ da꞉feyo꞉ kalu a꞉la꞉do꞉ sa꞉lab a꞉no꞉, giliyo꞉ waga asulaya? E so꞉wa abeno꞉wo꞉?” A꞉la꞉dabu ba꞉dabiki, iliyo꞉, “Da꞉ibida꞉ inso꞉” a꞉la꞉sio꞉. 43Ya꞉su eyo꞉ imo꞉wo꞉ a꞉la꞉sio꞉, “A꞉la꞉go꞉ amio꞉, Godeya꞉ Mama eyo꞉ Da꞉ibid emo꞉ asulo꞉wo꞉ dimiabikiyo꞉, Da꞉ibid eyo꞉ Godeya꞉lo꞉ da꞉feyo꞉ kalu a꞉no꞉ ko꞉lo꞉ sa꞉laki a꞉la꞉sio꞉, ‘Ni Alanka꞉.’ Kalu a꞉no꞉ Da꞉ibida꞉ inso꞉lalega, Da꞉ibid eyo꞉ ‘ni Kalu Alan’ a꞉la꞉bo꞉ waga asulaki sio꞉wo꞉? Da꞉ibid eyo꞉ a꞉la꞉sio꞉,
44 #
Song 110.1, Madi 26.64 “ ‘Gode eyo꞉ ni Alanbo꞉wo꞉ a꞉la꞉sio꞉,
“Ge ni dagi ililiba mesa꞉ni mena.
Niyo꞉ gis kalu gilo꞉wo꞉ gi ha꞉g amio꞉ semo꞉ difa꞉ amio꞉,
a꞉na o꞉sa꞉bi.” ’
45Da꞉ibid eyo꞉ Godeya꞉lo꞉ Da꞉feyo꞉ kalu a꞉no꞉, ‘Alan nilo꞉wo꞉ weka꞉’ a꞉la꞉sio꞉ ko꞉lo꞉, giliyo꞉ kalu a꞉no꞉ Da꞉ibida꞉ inso꞉ a꞉la꞉do꞉ sio꞉wo꞉ mo꞉wo꞉ ha꞉?” 46Ya꞉suwa꞉lo꞉ dabu ba꞉dab a꞉no꞉, Fa꞉lisi kalu kegeo꞉ tambowa꞉yo꞉ a꞉ma꞉la꞉ towo꞉ mada mo꞉sa꞉ma꞉no꞉ dowo꞉. O꞉g ho꞉len a꞉na a꞉la꞉ta꞉ga꞉yo꞉, iyo꞉ tagilaki Ya꞉sumo꞉wo꞉ wa꞉kabiyo꞉ mo꞉dabu ba꞉ba꞉.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 (Active), Wycliffe Bible Translators, Inc. All rights reserved.