Zabuli 136
136
Igano lya heye lya kwimilila lyangikala mazuwa gose
1Mlonje malumbo kwa Mkulu Nguluwi kwa vila ka yanojile,
kwa vila igano lya heye lya kwimilila lyangikala mazuwa gose.
2Mlonje malumbo kwa Nguluwi wa milungu,
kwa vila igano lya heye lya kwimilila lyangikala mazuwa gose.
3Mlonje malumbo kwa Mkulu wa wakulu,
kwa vila igano lya heye lya kwimilila lyangikala mazuwa gose.
4Ndo yaliyeka yalingudita makulu ga kububuwaza,
kwa vila igano lya heye lya kwimilila lyangikala mazuwa gose.
5Ndo yaulumbile ulanga kwa luhala,
kwa vila igano lya heye lya kwimilila lyangikala mazuwa gose.
6Ndo yaigongomanyile isi mchanya mwa mazi menji,
kwa vila igano lya heye lya kwimilila lyangikala mazuwa gose.
7Ndo yalumbile isanya na nyelezi na nhondwe,
kwa vila igano lya heye lya kwimilila lyangikala mazuwa gose.
8Isanya lilongoze nemisi,
kwa vila igano lya heye lya kwimilila lyangikala mazuwa gose.
9Nyelezi na nhondwe vilongoze nechilo,
kwa vila igano lya heye lya kwimilila lyangikala mazuwa gose.
10Ndo yawakopole walelwa wa mwaluko wa Misili,
kwa vila igano lya heye lya kwimilila lyangikala mazuwa gose.
11Nakawosa wanhu wa Isilaeli kulawa ako,
kwa vila igano lya heye lya kwimilila lyangikala mazuwa gose.
12Kwa moko wa heye uwele na mong'ho na ludali,
kwa vila igano lya heye lya kwimilila lyangikala mazuwa gose.
13Ndo yaigawanule Bahali ya Shamu honhu heli,
kwa vila igano lya heye lya kwimilila lyangikala mazuwa gose,
14nakawadita wanhu wa Isilaeli wakole amo,
kwa vila igano lya heye lya kwimilila lyangikala mazuwa gose.
15Ila nakawazibiza Falao na chilundo cha heye cha wamizi kuli Bahali ya Shamu,
kwa vila igano lya heye lya kwimilila lyangikala mazuwa gose.
16Ndo yawalongoze wanhu wa heye kuchiwala,
kwa vila igano lya heye lya kwimilila lyangikala mazuwa gose.
17Ndo yawatowile wandewa wakulu,
kwa vila igano lya heye lya kwimilila lyangikala mazuwa gose.
18Nakawakopola wandewa wawele na mong'ho,
kwa vila igano lya heye lya kwimilila lyangikala mazuwa gose.
19Nakamkopola Sihoni, mndewa wa Waamoli,
kwa vila igano lya heye lya kwimilila lyangikala mazuwa gose,
20na Ogu, mndewa wa Bashani,
kwa vila igano lya heye lya kwimilila lyangikala mazuwa gose.
21Nakazihola isi za hewo, nakawapa wanhu wa heye,
kwa vila igano lya heye lya kwimilila lyangikala mazuwa gose,
22leka ziwe uhalizi kwa Isilaeli, chitumagwa wa heye,
kwa vila igano lya heye lya kwimilila lyangikala mazuwa gose.
23Ndo yatukumbuchile mhela wa ung'hochele wa hetwe,
kwa vila igano lya heye lya kwimilila lyangikala mazuwa gose,
24nakatulohola kulawa kwa wang'honyo wa hetwe,
kwa vila igano lya heye lya kwimilila lyangikala mazuwa gose.
25Ndo yalingigala chilyo kwa chila chilumbigwe chiwele na ukomu,
kwa vila igano lya heye lya kwimilila lyangikala mazuwa gose.
26Mlonje malumbo kwa Nguluwi wa kilanga,
kwa vila igano lya heye lya kwimilila lyangikala mazuwa gose.
اکنون انتخاب شده:
Zabuli 136: Chividunda
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators