Daa 23
23
Sala gaa
1Sala kɛ̀ wɛ̃̀ basoolosɔo ń plaoɛ, 2ɔ̃ à gbàsa gà Kiliataaba pɔ wì mɛ tia Hɛblɔ̃, Kanaa busuu. Ɔ̃ Ablahaũ aà bɛɛkɛ̀, à ɔɔlɔ̀ aà gaa yãmusu. 3Kɛ́ à gò aà gɛa, à gɛ̀ a ò Iti buiɔnɛ: 4Nibɔ bɔmɔn ma ũ á guu.#Hɛb 11.13 À tɔɔlɛ yiaa gɛvĩkĩi ũ mà gɛvĩu. 5Aa òɛ̀: 6Mae, wá yãma. Lua gbɛ̃́ baaaden n ũ wá guu. Ǹ n gɛ vĩ gɛ'ɛ pɔ kɛ̀nɛ maa guu. Wá gbɛ̃e a ginɛ ń gɛ'ɛo kɛ́ ǹ gɛvĩuo. 7Ɔ̃ Ablahaũ fɛ̀lɛ à kùlɛ busupideɔnɛ 8a ònɛ́: À ma yãma. Tó a we mà gɛvĩ la, à wabikɛmɛɛ Zohaa nɛ Ɛfɔ̃nɔwa, 9aà Mapela gbɛ'ɛ pɔ ku aà bú lɛ́ yiaa a ɔ̃awa, i gɔ̃ ma gɛvĩkĩi ũ á busuu la.
10Ɛfɔ̃nɔ zɔ̃lɛa ń guu a wɛ̃lɛ bĩibɔlɛu we, ɔ̃ a ò Ablahaũɛ Hitiɔ wáa pii à mɛ̀: 11Aawo mae, ma yãma. Ma n gba búapi ń gbɛ'ɛ pɔ ku weoɛ. Ma n gba ma gbɛ̃́ɔ wáaɛ. Ma n gbaɛ ǹ gɛvĩu. 12Ablahaũ kùlɛ busupideɔnɛ, 13ɔ̃ a ò Ɛfɔ̃nɔɛ an wáa mpii: Swãkpa ǹ ma yãma. Má búapi fĩaboɛ. Ma ɔ̃a sí, mí gɛ vĩu. 14Ɔ̃ Ɛfɔ̃nɔ òɛ̀: 15Mae, ma yãma. Tɔɔlɛ pɔ a ɔ̃a ãnusu ɔwatɛ̃ ɔaa plaɛ, bɔ́n bee ũ wá zãnguoi? Ǹ n gɛ vĩ. 16Ablahaũ aà yãmà, ɔ̃ à ãnusu pɔ a ò Hitiɔ wáa yɔ̃̀ɛ̀ laatanaɔ zaau.#Zĩn 7.16 17Beewa ɔ̃ Ɛfɔ̃nɔ bú pɔ ku Mapela, Mamale saɛ gɔ̃̀ Ablahaũ pɔ ũ ń gbɛ'ɛ pɔ kuuo ń lí pɔ ku we e búpi lɛ́waɔ pii. 18À gɔ̃̀ Ablahaũ pɔ ũ Iti pɔ mɔ̀ wɛ̃lɛ bĩibɔlɛu weɔ wáa pii.
19Bee gbɛa Ablahaũ a na vĩ̀ Mapela búa gbɛ'ɛpiu Mamale pɔ wì mɛ tia Hɛblɔ̃ saɛ, Kanaa busuu. 20Màa búpi ń gbɛ'ɛ pɔ dɛ yãa Hitiɔ pɔ ũpio gɔ̃̀ Ablahaũɛ gɛvĩkĩi ũ.
اکنون انتخاب شده:
Daa 23: Boo2024
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.