پیدایش ۱۶
۱۶
هاجر و اسماعیل
۱ سارای، ابرامٚ زن، زأکی اونٚ‌ره به دونیا نأورده، ولی ایتأ مصری کنیز دأشتی کی اونٚ نام هاجر بو. ۲ هَنٚ وسی سارای ابرامَ بوگفته: «خوداوند کی مرَ زأی فنده، پس بوشو می کنیزٚ اَمرأ همخواب بوبو. شاید اون مِره ایتأ زأی به دونیا بأوره» ابرام سارایٚ گبَ گوش بوکوده. ۳ دهمی سالی کی ابرام کنعانٚ دورون زندگی کودی، سارای خو کنیز هاجرَ در اختیارٚ خو مرد بنَه.
۴ ابرام هاجرٚ اَمرأ همخواب بوبوسته و اون شکم اوسَده. وختی هاجر بفهمسته کی حامله‌یه، خو خانمَ به اونٚ چوم حقیرَ بوسته. ۵ پس سارای ابرامَ بوگفته: «تی تقصیره کی من اَطو عذاب کشئن درم. من می کنیزَ ترَ پیش‌کش بوکودم، هسه کی اون بفهمسته حامله‌یه، مرَ به حیساب نأوره. خوداوند بینٚ من و تو داوری بوکونه.»
۶ ابرام سارایَ بوگفته: «تی کنیزٚ اختیار تی دس دره. هرچی صلاح دینی انجام بده.» پس سارای هاجرٚ اَمرأ بدرفتاری بوکوده؛ هاجرم اونٚ دس جَا فرار بوکوده.
۷ خوداوندٚ فرشته هاجرَ ایتأ چشمه نزدیکی، بیابانٚ دورون ملاقات بوکوده؛ هو چشمه کی «شورٚ» رأ میأن نهَه‌بو ۸ و بوگفته: «هاجر، سارایٚ کنیز! جٚه کویه اَمون دری و کویه شوئون دری؟»
هاجر جواب بدَه: «می خانم سارایٚ دسٚ جَا فرار کودَن درم.»
۹ پس خوداوندٚ فرشته اونَ بوگفته: «وأگرد تی خانمٚ ورجه اونَ کنیزی بوکون.» ۱۰ هَطویم بوگفته: «من تی نسل اَنقدر فراوانَ کونم کی کسی نتأنه اوشأنَ بیشمأره.»
۱۱ بَزین خوداوندٚ فرشته اونَ بوگفته: «هسه تو کی شکم دأری و ایتأ پسر به دونیا اَوری؛
اونٚ نامَ ‹ایسماعیل›#۱۶:۱۱ «ایسماعیل» زبانٚ عبری میأن یَنی «خودا ایشنَوه». بَنه
چونکی خوداوند تی درد و رنجٚ جَا وأخبرَ بوسته.
۱۲ اون، اینسانی وحشی به؛
اونٚ دس ضدٚ همه و همه کسٚ دس ضدٚ اون به،
و خو برأرأنٚ جَا سیوا زندگی کونه.»
۱۳ هاجر، خوداوندَ اَطویی نام بنَه: «اِل رُئی»#۱۶:۱۳ «اِل رُئی» زبانٚ عبری میأن یَنی خودایی کی مرَ دینه. چره کی بوگفته: «یَنی راس راسی اَیه اونی کی مرَ دینه، بیدم؟» ۱۴ هَنٚ وسی او چاهی‌یَ کی مابینٚ قادش و بارد، قرار دأره «بِئَرلَحی‌رُئی» دوخوأنیدی.#۱۶:۱۴ «بِئَرلَحی‌رُئی» یَنی «چشمه‌یٚ اونی کی زنده‌یه و مرَ دینه».
۱۵ هاجر ایتأ پسر ابرامٚ‌ره به دونیا بأورده و ابرام پسری‌یَ کی هاجر به دونیا بأورده‌بو، «ایسماعیل» نام بنَه. ۱۶ ابرام هشتاد و شیش سال دأشتی کی هاجر ایسماعیلَ به دونیا بأورده.
اکنون انتخاب شده:
پیدایش ۱۶: گیلکی (رشتی)
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2010-2019 Gilak Media
پیدایش ۱۶
۱۶
هاجر و اسماعیل
۱ سارای، ابرامٚ زن، زأکی اونٚ‌ره به دونیا نأورده، ولی ایتأ مصری کنیز دأشتی کی اونٚ نام هاجر بو. ۲ هَنٚ وسی سارای ابرامَ بوگفته: «خوداوند کی مرَ زأی فنده، پس بوشو می کنیزٚ اَمرأ همخواب بوبو. شاید اون مِره ایتأ زأی به دونیا بأوره» ابرام سارایٚ گبَ گوش بوکوده. ۳ دهمی سالی کی ابرام کنعانٚ دورون زندگی کودی، سارای خو کنیز هاجرَ در اختیارٚ خو مرد بنَه.
۴ ابرام هاجرٚ اَمرأ همخواب بوبوسته و اون شکم اوسَده. وختی هاجر بفهمسته کی حامله‌یه، خو خانمَ به اونٚ چوم حقیرَ بوسته. ۵ پس سارای ابرامَ بوگفته: «تی تقصیره کی من اَطو عذاب کشئن درم. من می کنیزَ ترَ پیش‌کش بوکودم، هسه کی اون بفهمسته حامله‌یه، مرَ به حیساب نأوره. خوداوند بینٚ من و تو داوری بوکونه.»
۶ ابرام سارایَ بوگفته: «تی کنیزٚ اختیار تی دس دره. هرچی صلاح دینی انجام بده.» پس سارای هاجرٚ اَمرأ بدرفتاری بوکوده؛ هاجرم اونٚ دس جَا فرار بوکوده.
۷ خوداوندٚ فرشته هاجرَ ایتأ چشمه نزدیکی، بیابانٚ دورون ملاقات بوکوده؛ هو چشمه کی «شورٚ» رأ میأن نهَه‌بو ۸ و بوگفته: «هاجر، سارایٚ کنیز! جٚه کویه اَمون دری و کویه شوئون دری؟»
هاجر جواب بدَه: «می خانم سارایٚ دسٚ جَا فرار کودَن درم.»
۹ پس خوداوندٚ فرشته اونَ بوگفته: «وأگرد تی خانمٚ ورجه اونَ کنیزی بوکون.» ۱۰ هَطویم بوگفته: «من تی نسل اَنقدر فراوانَ کونم کی کسی نتأنه اوشأنَ بیشمأره.»
۱۱ بَزین خوداوندٚ فرشته اونَ بوگفته: «هسه تو کی شکم دأری و ایتأ پسر به دونیا اَوری؛
اونٚ نامَ ‹ایسماعیل›#۱۶:۱۱ «ایسماعیل» زبانٚ عبری میأن یَنی «خودا ایشنَوه». بَنه
چونکی خوداوند تی درد و رنجٚ جَا وأخبرَ بوسته.
۱۲ اون، اینسانی وحشی به؛
اونٚ دس ضدٚ همه و همه کسٚ دس ضدٚ اون به،
و خو برأرأنٚ جَا سیوا زندگی کونه.»
۱۳ هاجر، خوداوندَ اَطویی نام بنَه: «اِل رُئی»#۱۶:۱۳ «اِل رُئی» زبانٚ عبری میأن یَنی خودایی کی مرَ دینه. چره کی بوگفته: «یَنی راس راسی اَیه اونی کی مرَ دینه، بیدم؟» ۱۴ هَنٚ وسی او چاهی‌یَ کی مابینٚ قادش و بارد، قرار دأره «بِئَرلَحی‌رُئی» دوخوأنیدی.#۱۶:۱۴ «بِئَرلَحی‌رُئی» یَنی «چشمه‌یٚ اونی کی زنده‌یه و مرَ دینه».
۱۵ هاجر ایتأ پسر ابرامٚ‌ره به دونیا بأورده و ابرام پسری‌یَ کی هاجر به دونیا بأورده‌بو، «ایسماعیل» نام بنَه. ۱۶ ابرام هشتاد و شیش سال دأشتی کی هاجر ایسماعیلَ به دونیا بأورده.
اکنون انتخاب شده:
:
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2010-2019 Gilak Media