JIHUSUA 16
16
Ephraim le Aniyüzahlim Manaserü kilim Jihkhi Lomi
1Josep tsührübo kilim jihkhi ju Jirikho aniakhiuklim kenü phüni Jordan chingnü sunglo khiunglah, tüsho ju chingnü wutu awung lomi Bethel khiunglah; 2Bethel chingnü Arkrü lapung Ataroth hobah Luz khiung. 3Ju chingnü düjinglim Beth-horon khiungde aniyüzahlim Japhletrü lapung khiung. Ju chingnü Gezer lim yübah Mediterranean keto chingnü kheamlah.
4Josep tsührübo Ephraim tüsho Manaserübonü arü yamrüplurüp lo leangkhi.
Ephraimrü Lomi
5Ephraimrü gukbo lomi ju harü lakheah: aredung ju aniakhiuklim Ataroth-addar chingnü dukulim Beth-horon khiung, 6tüsho ju chingnü Mediterranean keto khiung. Mikmethath ju arü lo dukulim ah. Aniakhiuklim aredung ju Taanath Shilo thrip hingshaklah tüsho ju chingnü Janoa lim yülah. 7Tüsho Janoa chingnü Ataroth tüsho Naara chingnü Jirikho khiung, tüsho Jordan chingnü arün thsülah. 8Aredung ju aniyüzahlim Tappua chingnü Kana yung ching yü, tüsho Mediterranean keto ching arün thsülah. Ha lo ha Ephraim trük gukbo kilim yamrüplurüp jihkhi ah, 9ju Manaserü kilim jihkhi yamrüplurüp chingnü kiutobo tüsho kiulongbo bede Ephraim kilim chamkhita jihkheah. 10Tütüshe arünü Gezer ching larü Kananrü yankhita mübah, jumonü khihni khiungde Kananrü ju Ephraim lung lachoh, tüshe arübo azhorü thsüde rhimoshihde lah.
اکنون انتخاب شده:
JIHUSUA 16: YIMCBSI
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.