آیات محبوب کتاب مقدس از Tito 3

به اشتراک گذاشتن

Pele nibwakapompa buuya bwa-Leza Mufutuli wesu, aluyando lwakwe ndwayandisya bantu, teensi kwaamba kuti nkaambo kamilimo yabululami njotwakacita swebo, pele nkaambo kalweetelelo lwakwe mwini, ncakatufutula, kukusanzigwa kwakakuzyalwa kwabili akubuumi bupya buzwa ku-Muuya Uusalala, ngwaakatufonkweda muli-Jesu Kristo Mufutuli wesu, kuti tululamikwe kuluzyalo lwakwe akuba basikukona balangila buumi butamani.

Kobayeezya kuti kabanga kabalitesya kubabetesi akubami, kabacita coonse ncobaambilwa kulimbabo, akucita cintu ciluzi coonse. Batanoosampaula muntu pe, batabi bandwane, pele ababe batontozi, akuba babombe-moyo kubantu boonse.

Pele twaŋomboombo atwaambo twamazyalani aamikowa akuzwangana akuoombolozya mui ao, kozienguluka, nkaambo ezi tazikwe ancezigwasya, nzyabuyo.

Muntu uukazya, kosaanguna kumulaya lutaanzi alwabili, elyo na tamvwi umusosoloke