آیات محبوب کتاب مقدس از Ba-Kolose 3

به اشتراک گذاشتن

Amukazikilane myoyo yanu akulekelelana, na umwi ulijisi kaambo kumweenzinyina. Mbuli Mwami mbwaakamulekelela milandu yanu, anywebo amucite mbubonya obo.

Amupangike myoyo yanu kuzintu zili kujulu, mutaipangiki kuzintu zyaansi pe.

Kufumbwa cintu ncimucita, milimo yanu ibe yamoyo woonse, ibe mbuli milimo iicitilwa Mwami, itabi yakubelekela bantu buyo pe.

Lino mbuli mbumuli basale ba-Leza, basalala akuyandika, amulisamike moyo waluzyalo, buuya, lulifwiinsyo, lubombo, abusicamba.

Makani aa-Kristo abe mbuli buvubi bukalilila mumyoyo yanu. Amwiisyanye akucenjezyanya cabusongo bunji antembauzyo anyimbo zya-Leza amalelebu, akuya bwiimba lyoonse cakulumba Leza mumyoyo yanu. Nkabela zintu zyoonse nzimucita, nikuba kukwaamba nikuba kuncito, amuzicite zyoonse muzina lyaMwami Jesu akulumba Leza Taateesu mulinguwe.

Nkabela kwiinda zyoonse amube aluyandano, ikuti luyandano ncecaanzyo cabuumi bulondokede.

Lino na mulibukide antoomwe a-Kristo, amuvwime zintu zyamujulu, nkukonya Kristo nkwabede, ulibombomene kujanza lyalulyo lya-Leza.

Alimwi luumuno lwa-Leza alweendelezye mumyoyo yanu, ndulonya luumuno ndumwakaitilwa kuba zizo zyamubili omwe, Amube amyoyo yakulumba.

Nkaambo kaako muleelede kufwidwa zizo zyanu zyaansi, Amuleke bwaamu abusofwaazi amujamuja azisusi zibi akulikumbuzya (ncintu comwe akukomba mituni).

Nkaambo mwakafwa, nkabela buumi bwanu bulisisidwe antoomwe a-Kristo muli-Leza.

Pele sunu muleelede kuzileka zyoonse. Amuleke bukali, lunyemo, inkoyeko, kusanka, azisapi zizwa mukanwa.

Mutaambilani cakubeja, pe, nkaambo mulisamunwide buntu bukulukulu amilimo yambubo, mulisamide buntu bupya bulengulwidwe caluzibo mbuli cikozyano cayooyo iwakabulenga.

Anywebo nubalumi, amuyandisye banakazi banu, mutanoobagutaiki.

Banike amuswiilile bazyali banu mumakani oonse, nkaambo kucita obo nkokubotezya Mwami.

Nubanakazi, amulibombye kubalumi banu, mbubonya mbukweelede mu-Mwami.