آیات محبوب کتاب مقدس از Aŵaloma 14

به اشتراک گذاشتن

pakuti Uŵufumu bwaŵaLesa taŵuli kulya nekunwa, sombi kuluŋgama neŵutende nekusemba ukwamuMupasi Uswetelele. Pakuti uyo ulukuŵapyunjila ŵaKlistu muli fyefyo alukutemwesya ŵaLesa, nekutotwa kuŵantu.

Pakuti kani twikale nemweo, tulukwikala ukucindika ŵaSikulu; kani tufwe, tulukufwa ukucindika ŵaSikulu; pakuti pali fyefyo, kani twikale nemweo, kani tufwe, tuli ŵaŵaSikulu.

Pakuti pali fyefyo ŋgatufilonde'fintu ifileto'ŵutende, nafyefyo ifi twisi ukukosyansyanya-ko mumitima.

Pakuti pali fyefyo twieŵansyanya nafimbi, yo; sombi tanje cine mulaŋguluke'fi, ati aŵantu ŵonse neli umo tekuteyo'muŵyakwe munsila yakwe, neli kuteka icakumututula.

Pakuti fililembelwe ati: ŴaSikulu ŵalilaŵile ati: Koti nifyopele'fyo ifi njikele nemweo, amakufi onse akenamisya pali neŵo; Nemini syonse nasyo sikafisulula kuli ŵaLesa. Fyopele'fyo fweŵo fwense tukalukulituŵila kuli ŵaLesa.

Sombi uyo, uli nekucetekela ukunacile, ŋgamumupoke, sombi tekulukucite'fyo mukupicisya ifyakukanika.

Mbaniwenani, weweŵa umupyunjisi wamuntu umbi? Mulandu wawisikulu umwine kani alukwimakana kani kuwa, Sombi akemakana, pakuti ŵaSikulu ŵali nemakosa akumwimakanika.