آیات محبوب کتاب مقدس از ROME 12

به اشتراک گذاشتن

Tüopa jin wanglamke tahngoh, hüpoi ümei, yah oklakpa hüyange wangngoipu Kahwang mongpu wanglamke hanghe hatüo tokke shinglak jingne, numan kenmong üla ne mengpu kaiye numan leijei ne tamtüoh.

Tüokhei, jeiheinaolan, numan-e yoi püm üyin toidopu ja, üjao hüyange yah oklakne dotüoh she, taowe Kahwang shüpshe kaiye numante hengnang. Tüopa-a numan yahame yoppe khümpu ngohnang.

monghümpu me mongong tüoh; shanghah shaoshiwante nün oktüoh; yoppu me yelakpe mongjüonge ngohtüoh.

Ümenge okne tahtam, hüpoi ümeipawe ümeng okne tamtüoh.

Jeiheinao teikenpu me yeonge meiye teikenyah; wangshüm hüopume jawe ja sheyongpu she teihyah.

Khakwangpu me teiken yah. Hanghe ümeng tüote nuyah; hanghe ümeipa ngoh tüopa tükyah.

Okma-a nanga kahta üshei phei chingmei me ngohtüoh.

Jeiheinaolan, numan nying nyingke phuh tah-hah; hüpoi Kahwang mongshih ngaipu tanne ngohtüoh, hangjingne hüke nyanne ngohnang; “Phuh hahpuwa üjing; taowe leih phalak.”

Ngange lingtüoh, hüyange jookpa ne tahmeng. Yaha me lahnyikpu phei; Youngwanpa shaoshan-e ngohyah

Hangjingne shuwe teihyangpu tokte yoi ünyei daowe yonge tahtei, hüpoi Kahwange kahta lilite hanghe meitamme ütinglakpu pha, hatüo phei phinne yoi jeng nünne teihyah she, taowe üte phapu shüpshe kaiye numan yo me kahta pümlep ipute inang.

Aote-o ümeng nanleiye ümeng tah pha. Kahta üshei phei hanghe ngaoting ngoh, tüopa linglak jingne juteih angyah.

Numan jawe japhei kenmong ja ne ngoh yah. Kheyonglak toijeng tahteih, hüpoi innenyaipu kahtalan phei pangyah. “Numan nying nyingke deitahpa she tahteih.”

Hüleima-a, “Nang wepa seanyao ma-a, uhtamtüoh; yenglema-a, yingne tamtüoh. Hangjingne tüo lingwante nange I shangtang me vünloong ngohpu vünhan moijem nang.”

Numan shangne tampalante moimantamtüoh, moimantüoh hüyange imante tahphoi. Aoyin hoongli mongong iman phei hoongli mongmei tüoh; hüyange aoyin shapnang iman phei shaptüoh.

Üjaopalan wongpong me phatüoh; yinpate yayeng hüotüoh.

Hangjingne hangke püm ja me ümük maawe ngohnang, hüyange ümük üshei lingyahpu ja shaha ne yeje, hüke teman maawe ngohyapoi, teman Khrista me püm ja ngohnang, hüyange kahta liliye jawe japhei ümük japongne menge ngohnang.