آیات محبوب کتاب مقدس از Tawˆ kʼai ve li‸ 7

به اشتراک گذاشتن

Gʼuiˬsha Moˉseˍ hta‸ kʼaw‸ kʼoˆ piˇ ve, Jawˇmawˇ mehˆ gʼuˇ suhˍ ngaˬ nawˬ hta‸ Gʼuiˬsha hkʼe hpeh‸ la piˇ leh, nawˬ viˉ paˍ Aˍronˍ hta‸ nawˬ awˬ tan tawˇ yaw shehˍ hpaˇ hpeh‸ la piˇ tuˬ yoˬ.

Ya‸ hkʼaˇ, ngaˬ lehˬ jawˇmawˇ ve nyi ma hta‸ heh la piˇ leh, Eˇjiˇtu‸ mvuhˇmiˬ chi hkʼaw anˇ tuˬ awˬ heˆ laiˉ ceuˬ ngaˬ te maˍ piˇ ve htawˇ, yawˇ nawˬ hui ve tawˇ hta‸ na yuˬ tuˬ ve maˇ heˆ. Oˇ ve hkʼaw‸ nawˉ, Eˇjiˇtu‸ chaw hui hta‸ ngaˬ hehnˇ chaweh ciˍ yanˍ piˇ leh, ngaˬ ve chaw teˇ hpaˍ hta‸ Eˇjiˇtu‸ mvuhˇmiˬ hkʼaw shiˍ tawˆ-e piˇ tuˬ yoˬ.

Ngaˬ ve la‸ sheh che leh, Iˉsaˍreˍlaˆ chaw hui hta‸ yawˇ hui ve mvuhˇmiˬ hkʼaw shiˍ tawˆ-e chehˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ yawˇ hta‸ kʼoˆ piˇ ve yoˬ.

Oˇ htaˇ, jawˇmawˇ lehˬ yawˇ ve cuˇ yiˍ cawˬ paˍ teˇ hpaˍ leh faˍ te puiˉ paˍ teˇ hpaˍ hta‸ kuˬ yuˬ leh, yawˇ hui htawˇ oˇ ve hkʼa shuˍ te ve yoˬ. Yawˇ hui teˇ gʼaˇ le le, a shu yawˇ ve juˇ fuiˍ hta‸ baˬ peu leh, juˇ fuiˍ taˬ oˇ ve teˇ hpaˍ vuiˬ hpeh‸ la ve yoˬ. Ya‸ hkʼaˇ, Aˍronˍ ve juˇ fuiˍ taˬ lehˬ yawˇ hui ve juˇ fuiˍ taˬ teˇ hpaˍ hta‸ hehˆ dawˬ sheˬ ve yoˬ.

Chi hta‸ pa taw, yawˇ lehˬ hkʼaˬ hkʼe ve Gʼuiˬsha hpeh‸ ve hta‸ nawˬ hkʼa tawˍ lehˆ gʼa shiˍ tuˬ, chi beu‸ ngaˬ ve la‸ sheh hkʼaw cawˬ ve juˇ fuiˍ taˬ hta‸ yuˬ leh iˉ kaˆ lawˬ chi ve hta‸ dawˆ tuˬ yoˬ. Oˇ htaˇ, iˉ kaˆ chi ve awˬ suhˍ hpeh‸ la tuˬ yoˬ.

Jawˇmawˇ nawˬ huiˉ maˬ hta‸ anˇ tuˬ awˬ heˆ teˇ ceuˬ ceuˬ te maˍ laˇ tuˬ kʼoˆ laˇ ve kʼo, Moˉseˍ nawˬ Aˍronˍ hta‸ yawˇ ve juˇ fuiˍ taˬ jawˇmawˇ mehˆ gʼuˇ suhˍ baˬ peu tuˬ kʼoˆ piˇ-oˆ. Juˇ fuiˍ taˬ oˇ ve vuiˬ hpeh‸ la tuˬ yoˬ, teh‸ Moˉseˍ hta‸ kʼoˆ piˇ ve yoˬ. Hkʼe te leh, yawˇ huiˉ maˬ jawˇmawˇ geh kʼai leh, Gʼuiˬsha kʼoˆ ve hkʼe te ve yoˬ. Aˍronˍ lehˬ, yawˇ ve juˇ fuiˍ taˬ hta‸ jawˇmawˇ leh yawˇ ve a ma‸ lonˉ teˇ hpaˍ mehˆ gʼuˇ suhˍ lo baˬ peu leh, juˇ fuiˍ oˇ ve vuiˬ hpeh‸ la ve yoˬ.