آیات محبوب کتاب مقدس از RÒMƐŊ 1

به اشتراک گذاشتن

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

Ɓisuulɛ Syeesyee à Ɓɔlɛ a rèresi yɛ̀ɛ Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n rì ɓisuu righerɛ̀n lɔŋ yɛ̀ɛ ki ri kìkànɛn lɛ: Ŋwaànɛ à rì mum à saaɗ ɓi mis mɛ Bɛ̀ll, lɛ rgherɛ̀n, à ɓiì ghɛɓì.

À tumɛ̀n yɛ̀ɛ Bɛ̀ll à kìghà zi, mɛ̀ròŋa mii mɛ ɓum ɓɛ yin lɛ ɓɛ ghɛn lɛ, rì ìtèɗ wii wu wu ri fìɗyàɓ fikɔ̀ɔ̀, rì rìɓa ɗii ɗi àrì Bɛ̀ll, ɓyɛɛ̀ rèeresɛ̀n ɓi ɓyom ɓi à kìghà; fɔlɔɔ nnɛ ɓɛ yin ɗi com ki ɓɛ ri lɛ ɓɛ kpaa ki ki ki lɛ ɓɛɛ cenɛn ɓɔ.

Ɓisuulɛ ɓɛ yii Bɛ̀ll, kìɓan kifog ɓɛ̀ kɛɛ̀ ɓɔgsi nyi yɛ̀ɛ ki ghɛɛ̀sɛɛ lɛ ɓɛɛ ɓɔgsag nyi, ɓɛ̀ kɛɛ̀ ki fa nyi ɓìtògsɛ̀n, wɔ̀lɛ ɓìdìmìdimi ɓyaa ɓi ɓɛfèg ɓi mɛ tɔɔsi ɓɔ cog, ɓìdùŋdùŋ ɓyaa ɓi mɛrèm ɓi sigtɛ̀n birìm.

Ɓɛ koɓsɛ̀n saaɗ à Bɛ̀ll rì ɓɛ̀pwàà, ɓɛ ɓɔɔ̀ɓɔ̀gsì ɓyom ɓi Bɛ̀ll à kìghà, ɓɛ kikì ɓyɔ mɛ̀wog jàŋ inɛ ɓaa ghɛ̀ɛ̀sɛɛ kìɓɔgsii ǹkìì-ɓyom ɓìcèm ànɛ à ghɛ̀ɛ̀sɛɛ rì rìkem fìɗyàɓ fikɔ̀ɔ̀, ààmɛ̀n.

Bim i Bɛ̀ll ì ti ì rèsàg yì aɗyoo ɓisuu kiɓe kicèm, rì kìtɛ̀ŋtɛ̀ŋ kicèm ɓi ɓum ɓɛ ri rì ɓyɔ, ɓyɛɛ ɓanɓani saaɗ ɓi rìkpàn ɓi zɛ̀ɗ aɗyòò

Kìɓan kiǹ kɛɛ̀ki Bɛ̀ll à tinìghà ɓɔ lɛ ɓɛɛ kiki ɓìɓan ɓi ntoòrìɗ; ɓɛ̀yiɓ ɓaa ɓɛ pɛɛ̀zì rìràrɛ̀n ɗi Bɛ̀ll à fèkà lɛ rì giɓ rì baŋì ɓi bee ì dùne. Fɔlɔɔ nnɛ ɓɛ̀baŋì girig, ɓɛ mɛ càɗ riràrɛ̀n ɗi Bɛ̀ll à fèkà lɛ baŋì yɛ̀ɛ rarag rì giɓ, ɓɛ̀ro ɓɛ̀baŋì ɓɛɛ̀ɓɛ ɓɛ kɔnkɔ̀n lɛ ɓɛɛ rarɛn ɗì ɓɔ. Ɓɛ̀baŋì ɓɛ kikì min ɓiɓan ɓi ntoòrìɗ rì ɓɛ̀ro ɓɛ̀baŋì, rìsyɔn ɗi miì ɗi ɓa lɛ ɓɛɛ teɗ mɛ̀lèɓ mɛ mɛ ghɛɛ̀sɛɛ rì rìnàn ɗyàa ɗiǹ. Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

Ɓɛ sasànɛ̀n lɛ ɓɛ wom̀zɛɛ, kɔlɛ ɓɛ ri ɓìyèg. Jàŋ inɛ ɓɛ ghɛɛ̀sɛ̀ngà kìɓɔgsii Bɛ̀ll ànɛ à rì Loy ɓìfèèghrɛnà ɓi lɛ, rì mum ànɛ à ti à wulàg, rì tììlì, rì nyàm yi mɛkòò mɛnin, rì yi wɔwɔghɛn ri mùm, ɓyɛɛ̀ ɓi ɓɔɔ ɓɔɔ̀ɓɔ̀gsì.