آیات محبوب کتاب مقدس از Ndumba 13

به اشتراک گذاشتن

Kalep mi seng suma a nga ka ad’u Moise-sâ, mi dala: Ei ïgiya! Ei mba hlei ambas ndata, kayam ei mba kuzi kad’u!

Ami wami suma fuyogeina Anak groma nandjaf suma fuyogeina, ami golomi tami ni d’igi djera na avoroziya; azi tazid’a a golomi ni d’igi djera na avorozi mi.

Wani suma a i ki sed’ema a dum ala: Ei ndak á i duri ki sum ndazina d’i, kayam azi ad’enga kaleya!

A de ki delezi akulo avok Israel-lâ yam ambas sa azi d’ud’ï d’a ala: Ambas sa ami tid’imi kat á d’uta nambas sa nga d’i tchi suma a nga kaka katna woid’a. Suma katna pet suma ami wazina ni suma fuyogeina.

Wana ni zla d’a azi dat mi Moise-sa: Ami mbamiza yam ambas sa ang sunumi kata. Gagazi, ambas ndata nambas sa ambira ki mbul ayuma a nga sor kä kuad’a. Wana ni vud’agu ma katna mi.

Wani suma a nga kaka katna a ni suma sib’ika, azina ni nguid’a ki gulumun ma ad’eng ma ngunguna, azina kal ngola heî mi. Ami wami Anak groma ki irami mi.

Suma Amale’â a kak nga abo ma sutna, suma Het-na ki suma Jebus-sâ ki suma Amor-râ a nga kaka yam ahuniyôna, suma Kanan-na a nga kaka go kalum ma ngolâ avun alum ma Jurdê-na mi.

Kur mba mazid’a, a i gen Moise azi ki Aron kablaud’a hi Israel-lîd’a avo Kades hur ful ma Paran-na, a dazi zlad’a yam ahle suma azi wazina pet, a tagazi vud’agu ma yam ambas ndatina mi.