آیات محبوب کتاب مقدس از Sunda hi suma hi Levi-nid’a 26

به اشتراک گذاشتن

An mba ni tit adigagiya, an mba ni ka’î Alo magina; agi mba kagagi sum mana mi.

an mba ni sagi alona ata yamu. Andagad’a mba d’i wulugi awuna, agu magina mba mi vut mi.

Le agi nga tid’igi yam gat manda, le agi ngomogi vun man ma hed’a, le agi nga lagi sunda kam mi ni

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

An mba ni djib’er kagiya, an mba ni aragi agi vud’ugiya, agi mba zulugiya. An mba ni tchol yam vun ma djin ma an djinim ki sed’egina mi.

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

An mba ni min yi man ma kaka adigagiya, an mba ni gologi d’igi vama ndjendjed’a na d’i.

Ma didina mi de kua ala: Agi lagi fileina d’i, agi tinigi angus va avorogi d’i, agi tched’egi va d’uo mi. Agi tinigi ahina d’a djif fa hle tat d’igi angus va hina d’a kur ambas magid’a á kud’urogizi d’i, kayam an ni Ma didina Alo magina.

Agi mba tagi awu ma adjeuna gak agi mba yom mbei á vrak ma awilina blangâmu.

Suma vahl adigagina a mba dik suma kisâ, suma kis adigagina a mba dik suma 10.000; magi suma djangûna a mba puk kä avorogi abo mbigeu magi d’a fiyaka.

Agi mba togi awuna gak mi tinigi ata yima dut guguzlud’a, agi mba dud’ugi guguzlud’a gak ti tchagi ata yima zuma. Agi mba tagi tena hobogiya, agi mba kagagi kur ambas magid’a ki halasa mi.

Agi mba digigi magi suma djangûna; azi mba puk kä avorogi abo mbigeu magi d’a fiyaka.

Agi ngomogi bur man ma sabat ma tuk tad’a, agi lagi mandara zlub’u man nda kud’ora, kayam an ni Ma didina Alo magina.