آیات محبوب کتاب مقدس از SAN MARCOS 4

به اشتراک گذاشتن

Bra kanꞌ mdyituun Jesús, ngulo yu tñan ꞌin kwiꞌin, ykwiꞌ yu loꞌo kwiꞌin chaꞌ ja ka kulooꞌ lo tyiꞌa tiyuꞌ kanꞌ. ―¡Ka tiin lo tyiꞌa re! ―ndukwin yu. Bra ti ngwa tiin kwiꞌin, ngwa tiin kulooꞌ; tiin ti nganun tiyuꞌ bra kanꞌ. Kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―¿Ni chaꞌ ntsen ꞌa wan? ―ndukwin Jesús ꞌin neꞌ―. ¿Ni chaꞌ ja ndyaa ñaꞌan tiꞌ wan ꞌin Ndiose chaꞌ ka ꞌin Ni kuꞌni Ni ngwañaꞌan? ―ndukwin yu.

Yuwe ꞌa tiꞌ neꞌ ñaꞌan neꞌ ꞌin Jesús bra kanꞌ: ―¿Ti ka nu lka yu kiꞌyu re? ―ndukwin neꞌ ꞌin taꞌa neꞌ―, chaꞌ loꞌo kwiꞌin ndukwa chaꞌ nu ykwiꞌ yu loꞌo ran, loꞌo tyiꞌa tiyuꞌ ynan chaꞌ kanꞌ ―ndukwin neꞌ ꞌin taꞌa ndaꞌan neꞌ.

Lajaꞌ ti Jesús mskwa yu tu seꞌen yka naꞌan, mskwa ke yu lo ska teꞌ kuti ti. Mlyo neꞌ slaa yu bra kanꞌ: ―¡Yu kula! ―ndukwin neꞌ ꞌin Jesús―. ¡Xaa tiiꞌ! ¿Ta ja nduwe tiiꞌ chaꞌ wa kaja tian a? ―ndukwin neꞌ―. Wa katin ti yka naꞌan re niꞌ tyiꞌa.

Ti ngwaꞌu la chinꞌ Jesús ꞌin neꞌ bra kanꞌ: ―Kunan suꞌwe wan chaꞌ nu nchkwiǐnꞌ loꞌo wan ni ―ndukwin Jesús―. Sa ñaꞌan nu ngiꞌni wan loꞌo xka la nten, kwiꞌ ngwañaꞌan kuꞌni Ndiose loꞌo wan bra kanꞌ. Xa nu kunan suꞌwe wan chaꞌ ꞌñaǎn, kwiꞌ ngwañaꞌan ti kaja la kaꞌan chaꞌ suꞌwe nu xuꞌwi niꞌ kasiya ꞌwan bra kanꞌ.

Loꞌo ngwaꞌu Jesús xka chaꞌ ꞌin neꞌ bra kanꞌ: ―Chkwiǐnꞌ ska chaꞌ tiya loꞌo wan chaꞌ ka biyaꞌ tiꞌ wan sa ñaꞌan ka xa nu ka Ndiose ndloo niꞌ kasiya ꞌin nten ―ndukwin Jesús ꞌin neꞌ―. Ntya nten nskwaꞌ, ndijyaꞌ neꞌ tla; nu ndiꞌya xaa xka tsan ndyaa tukwi neꞌ. Ngwañaꞌan ndijin neꞌ tyun tsan loꞌo tyun tla. Laja bra kanꞌ nchu mta kanꞌ, ndijyan ngaluu ran bra kanꞌ. Ja jlyo tiꞌ neꞌ sa ñaꞌan ndijyan ngaluu mta kanꞌ.

Kunan suꞌwe wan chaꞌ nu nchkwiǐnꞌ loꞌo wan sikwa, si chañi chaꞌ xlyaa wan kunan wan chaꞌ suꞌwe re.