آیات محبوب کتاب مقدس از Romanos 2

به اشتراک گذاشتن

¿Pet ma a' netale' uva' ye' la ib'an u Tiixhe' esuuchil, ex uva' nechuk ipaav vemoole' ti' u va'lexhe' uva' nib'ane'? As tul echat kuxh neb'ane' eche' uve' nib'an vemoole'. ¿As ma ye' nib'en sete uva' a' nisa' u Tiixhe' tuk' vib'a'nile' uva' la ejalpu vetxumb'ale' vatz Aak? As ye' la etixva vib'a'nil Aake', tan nim taama Aak ti' etx'eb'le' ti' uva' la q'aav ex k'atz Aak, tan ye' nipal ik'u'l Aak ti' itx'eb'at ex.

As tuk val sete, jank'al ex uve' nechuk ipaav vemoole', as ye' la etx'ol ve't eq'alat etib' vatz u Tiixhe', tan tul uva' nechuk ipaav vemoole', as an kuxh ex nechuk epaav unpajte, tan echat chit neb'ane' eche' uve' nib'an vemoole'.

As ye'xheb'il la taq' Aak sb'a'nil. Esti'e' ni val sete uva' la ul taq' ve't Aak te unq'a tename' skajayil, kam uve' kat ib'an unq'a tename' vatz Aak.

tan jit unq'a uxhchile' uva' ni ab'in u tzaq'ite' uva' ye'l ipaav vatz Aak. Pet a' unq'a uxhchile' uva' ni niman kam uva' ni tal u tzaq'ite'.

As la ul taq' ve't Aak ich'exel sete tuk' te unq'a uxhchile' skajayil, kam uve' kat eb'an vatz Aak.

Pet ech koj unq'a uxhchile' uva' a' kuxh nib'ane' kam uve' ni tal taama, tan ni tixva u jikla yole' ti' ib'anat u va'lexhe'. As a'e' uva' la ul vitx'i'tzi'l u Tiixhe' sti', tan ni tul ve't ivi' Aak ti' u va'lexhe' uva' nib'ane'.

Pet ye' ni tok yol tevi'. As ye' nesa' ejalput etxumb'al vatz Aak. As aal chit neteq'o ve't tzan vitx'i'tzi'l Aake' seti', tan la ilej ve't u q'iie' uva' la ul ve't vitx'i'tzi'l Aake' seti', tan jik chit la ul ib'an Aak esuuchil tuk' unq'a tename'.