آیات محبوب کتاب مقدس از Romanos 14

به اشتراک گذاشتن

tan nim talche' u tijle'm u Tiixhe' ti' u echb'ub'ale' tuk' u uk'a'e'. As ab'il uva' at jaq' u tijle'm u Tiixhe' as jik ve't vitxumb'ale' la ib'ane', as b'a'n ve't tatin svatzaj, as nichiib' u taanxelale', as a' u Tiixhla Espíritu ni aq'on ste kajayil. As jank'al o' uva' ech kunimat u Cristo eche' uve', as o'e' uva' nichiib' u Tiixhe' sqi'. As b'a'n ve't o' vatz unq'a uxhchile'.

tan asoj isle'l o', as o' la chiib'isan taama u Kub'aal Tiixhe'. As moj la kam o', as o' tetz Aak la ib'ane'. Esti'e' uva' k'uxh isle'l o' moj la kam o', as o' tetz Aak la ib'ane'

Esti'e' ni val sete, kub'antaj chit u b'a'ne' sukuvatzaj uva' la lochon o' ti' uva' b'a'n qatin sukuvatzaj. As a'e' la lochon o' ti' kuyak'insat qib' ti' u Tiixhe'.

As esti'e' uva' ye' kuxh la ib'an tib' kusuuchil sukuvatzaj. Aal b'a'ne' uva' la qitz'a je' qib', aq'al uva' ye' la paavin u qitz'in qatzike' sqa'n.

eche' uva' ni tal uma'l u yol uva' tz'ib'amal kan uva' ech ni tal ile': «Tan il in isle'l in,» ti'k u Kub'aal Tiixhe'. «As kajayil chit unq'a tename' la qaaeb' ve't sunvatz. As techal la tale' uva' in Tiixh,» ti'k Aak. As junun o' la qalo'k qib' te Aak ti' uva' kam kat kub'ana.

Ek'ultaj unq'a qitz'in qatzike' uve' ye'l maas iyak'il ati ti' u Tiixhe'. Enimataj etib' tuk' unq'a qitz'in qatzike' uva' jit eela vetxumb'ale' stuk' ti' uva' kam la eb'ane' ti' enachat Tiixh. As eyaak kuxh etib' stuk'.

As ye'l etijle'm ti' uva' la eb'an isuuchil uma't u qitz'in qatzike', tan jit ex ib'ooq'ol. As a' kuxh u Kub'aal Tiixhe' la alon asoj b'a'n ve't u qitz'in qatzike' svatz moj ye'le, tan ta'n Aake' at tijle'm ti' tilax isuuchil, aq'al uva' la kuk'ujb'a' kuk'u'l ti' Aak.