آیات محبوب کتاب مقدس از Judas 1

به اشتراک گذاشتن

Pet ech koj ex, vitz'in vatzik uva' xo'n chit ex sve, tan jank'al uva' la eb'ane', as eb'antaj ti' enimat unq'a jikla chusb'ale' uva' aq'el sete ta'n u Tiixhe'. As enachtaj chit Tiixh tuk' vib'a'nil u Tiixhla Espíritu.

Qoksataj iq'ii u Tiixhe', tan at iyak'il Aak ti' kulochpe', aq'al uva' ye' la ku' o' ti' kukaaik kan ti' Aak. As Aake' la eq'on o' tu u b'a'nla atinb'ale' uva' atkat vinimla b'a'nil Aake'. As la chiib' o' tul la oksal ve't o' vatz Aak, tan tx'aael ve't u qaanxelale' ta'n Aak. As tuk' vib'a'nil u Jesucristo la qoksakat iq'ii u Tiixhe', tan ta'n Aake' Tiixh uva' nim talche' ti' unq'a vee' skajayil, tan at tijle'm Aak sti'. As Aake' u q'alpun qetze'. Esti'e' uva' la qoksa ve't iq'ii Aak cheel as ti' chit ib'ene'. An chite'.

As tul netx'eb' ilejat u q'iie' uva' la ik'uch u Kub'aal Jesucristo isuuchil sete uva' nitxum Aak evatz, as ni taq' Aak etiichajil k'atz u Tiixhe', as ye' la eya'sa etoksat etaama ti' eb'anat u b'a'ne' ti' ek'uchata' uva' xo'n chit ex te Aak.