آیات محبوب کتاب مقدس از 2 Corintios 9

به اشتراک گذاشتن

As nim talche' u Tiixhe'. As ye' la ya' Aak ti' taq'at vib'a'nile' seti', k'uxh kam kuxh la epaleb'e. As ye' la ya' ek'ulat vib'a'nil Aake', tan la chee ve't etetz, jank'al uva' la sa'vit seti'. As ye' la ya' ve't ex ti' elochone'

Esti'e' ni val sete uva' ye' la ka'kab'in etaama ti' etaq'at unq'a lochb'ale'. As jit ya'lumal ex sti'. Pet junun ex la aq'on jank'oj uva' la chee tetaanxelal ti' etaq'ata', tan ab'il uva' tuk' chit chiib'ichil la taq' u lochb'ale', as a'e' nichiib' u Tiixhe' sti'.

As tuk vulsa sek'u'l uva' ab'il uva' b'iil kuxh iia la tava, as unb'iil kuxh ivatz la imole'. Pet ab'il uva' nimal iia la tava, as nimal ivatz la imole'.

As u Tiixhe' uva' ni aq'on unq'a iiae' uva' ni tavale' tuk' unq'a echb'ub'ale' uva' ni techb'ule', as Aake' la aq'on sete jank'al uva' la sa'vit seti'. As la ina'sa ve't Aak jank'al unq'a etetze' uva' ati, aq'al uva' ye' la ya' eb'anat u b'a'ne' ti' elochone'. As nimal b'a'nile' la ib'an Aak seti', aq'al uva' aya'l chit ek'u'l la eloch unq'a qitz'in qatzike'. As tul la b'en qaq' u lochb'ale' ste, as la taq' ve't unq'a qitz'in qatzike' ta'ntiixh te u Tiixhe', tan ti' uva' aya'l chit ek'u'l kat elocha.

¡Esti'e' qaq'taj ta'ntiixh te u Tiixhe' ti' vinimla b'a'nile'! As ye'l uma'toj txumb'al ati uva' kam la qulb'e ti' qaq'at ta'ntiixh te Aak ti' u nimla b'a'nile' uva' kat ib'an Aak sqe.