آیات محبوب کتاب مقدس از NHLAVUTELO 22

به اشتراک گذاشتن

Hi mina Alfa na Omega, lowo rhanga ni lowo hetelela, wa ku sungula ni wa makumu.

“Vonani, ndzi hatlisa ndzi ta, ndzi tamela hakelo ya mina, ndzi ta hakela un'wana ni un'wana hi leswi ringanaka ku tirha ka yena.

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!

Vonani, ndzi hatlisa ndzi ta.” Ku katekile la hlayisaka timhaka ta vuprofeta bya buku leyi!

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Loyi a tiyisaka vumbhoni bya timhaka leti, a ku: “Ina, ndza ta sweswi!” Amen! Tana, Hosi Yesu! Tintswalo ta Hosi Yesu a ti ve ni vahlawuriwa hinkwavo! Amen!

Ndza tiyisa vumbhoni bya mina eka un'wana ni un'wana la yingisaka vuprofeta bya buku leyi, leswaku loko munhu a yi engetelela, Xikwembu xi ta engetelela ehenhla ka yena makhombo lama tsariweke ebukwini leyi. Kutani loko un'wana a hunguta timhaka tin'wana ta buku ya vuprofeta lebyi, Xikwembu xi ta hunguta ku averiwa ka yena emurhini wa vutomi, ni le mutini lowo kwetsima, swi nga leswi tsariweke ebukwini leyi.