آیات محبوب کتاب مقدس از YEREMIYA 7

به اشتراک گذاشتن

hikuva a ndzi byelanga vatata wa n'wina, kambe a ndzi va nyikangi ku lerisa hikwalaho ka tiholokosta ni hikwalaho ka magandzelo, siku ndzi va humeseke etikweni ra Egipta, kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Ku nga ku loko mi hundzuka hakunene emikhuveni ya n'wina, ni le tindleleni ta n'wina, loko mi avanyisa hi ku lulama exikarhi ka munhu un'wana ni warikwavo. Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo: Ndzi ta mi akisa endhawini leyi, etikweni leri ndzi ri nyikeke vatata wa n'wina hilaha ku nga heriki.

Yehovha wa tinyimpi, Xikwembu xa Israele u vula a ku: Hundzukani emitileni ya n'wina ni le emikhuveni ya n'wina kutani ndzi ta mi akisa exivandleni lexi.