آیات محبوب کتاب مقدس از YEREMIYA 22

به اشتراک گذاشتن

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Xana u ri, u ta fuma hikuva u tipfalela hi kedari xana? A ndzi ku, ni tata wa wena a a tshama a dya a nwa xana? Kambe a endla hi ku avanyisa ni ku lulama; a ri ni ku rhula hakona. A avanyisela mupfumari ni xisiwana, a ri ni ku rhula hakona. Xana sweswo a hi ku ndzi tiva xana? Ku vula Yehovha.

“U ni khombo loyi a akaka yindlu ya yena hi ku homboloka, ni makamara ya yena, ku nga ri hi ku lulama; la tirhisaka warikwavo ntsena, a nga n'wi nyiki hakelo ya nyuku wa yena