آیات محبوب کتاب مقدس از KubaseRoma 14

به اشتراک گذاشتن

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele. Lowo lokhonta Khristu ngalendlela, uyemukeleka kuNkulunkulu, futsi wetsembekile nakubantfu.

Nasiphila, siphilela iNkhosi, nome sifa sifela iNkhosi, ngako-ke nome siphila nome sifa sibeNkhosi.

Ngako-ke, asilangatelele lokuletsa kuthula nekwakhana.

Ngako-ke akubete lowehlulela lomunye. Esikhundleni saloko asitimisele kutsi kubete lobekela lomunye umzalwane sikhubekiso, nome umgoco longahle umwise.

Ngobe kubhaliwe kutsi: “Njengobe ngiphila, isho iNkhosi, onkhe emadvolo ayawukhotsama kimi, tonkhe tilimi tiyawudvumisa Nkulunkulu.” Ngako-ke, sonkhe siyawulandza ngatsi matfupha ngamunye ngamunye kuNkulunkulu.

Mayelana nalobutsakatsaka ekukholweni, memukeleni kahle, kodvwa hhayi kutsi nitewuphikisana naye inkhani ngemibono.

Ungubani wena kutsi ungehlulela sisebenti salomunye? Kuma nekuwa kwaso kwenkhosi yaso; kodvwa siyakuma ngobe iNkhosi inemandla ekusimisa.