آیات محبوب کتاب مقدس از Sembulo 13

به اشتراک گذاشتن

Loku-ke kubita kuhlakanipha: Lowo lonekucondza akabale inombolo yalesilo; ngobe lenombolo imele umuntfu. Lenombolo ingema-666.

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Lesilo saphocelela bonkhe labancane nalabakhulu, ticebi netimphuya, labakhululekile netigcili, kutsi babekwe luphawu ngulowo nalowo esandleni sakhe sangesekudla nome ebuntini. Loko kwentelwa kutsi kubete lotsengako nome lotsengisako ngaphandle kwekutsi abe neluphawu lekulibito lesilo nome inombolo yelibito laso.

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Ngabona silo siphuma elwandle, sasinetimphondvo letilishumi, netinhloko letisikhombisa, kuleyo nakuleyo nhloko kwakuneligama lelihlambalatako.

Savunyelwa nekutsi silwe nalabangcwele sibehlule, sanikwa nemandla etikwayo yonkhe imindeni, nebantfu, netilimi, netive.

Silo sesibili savunyelwa kutsi sikhohlise bonkhe bantfu labahlala emhlabeni ngaletibonakaliso lesasitenta ngeligunya lesilo sekucala. Lesilo sesibili sabatjela kutsi bakhe umfanekiso, bakhele lesilo sekucala lesasinelinceba lenkemba lelelashwa laphiliswa. Silo sesibili sanikwa emandla ekuphefumulela lomfanekiso wesilo, kuze kutsi ukhulume, sente nekutsi labo labangawukhonti lomfanekiso babulawe.

Lesilo sasifanana nengwe, tinyawo taso tatifanana netelibhele, umlomo waso wawufanana newelibhubesi. Nyokangwenya wasinika emandla akhe, nesihlalo sakhe sebukhosi, nemagunya akhe lamakhulu.

Lesilo saphiwa umlomo wekukhuluma emavi lamakhulu lasinengiso newekuhlambalata. Savunyelwa kutsi sisebentise emandla aso tinyanga letingema-42.

Lenye yetinhloko taso yayilinyatwe yakhehletwa sakufa, kodvwa lelinceba laso lekufa lelashwa laphola, wonkhe umhlaba wamangala wasilandzela lesilo.

Ngase ngibona lesinye silo lesaphuma emhlabatsini, sasinetimphondvo letimbili letatifanana netelizinyane lemvu, sakhuluma njenganyokangwenya. Sasebentisa onkhe emandla esilo sekucala ngeligunya laso; saphocelela umhlaba nabo bonkhe labahlala kuwo kutsi bakhonte lesilo sekucala leselashwa saphiliswa encebeni laso lekufa.