آیات محبوب کتاب مقدس از Lukha 9

به اشتراک گذاشتن

Wase utsi kubo bonkhe: “Lofuna kungilandzela, kufanele atidzele, etjatse siphambano sakhe onkhe emalanga, angilandzele.

Ngobe lofuna kusindzisa imphilo yakhe, uyawulahlekelwa ngiyo, kodvwa lolahlekelwa yimphilo yakhe ngenca yami, uyakuyisindzisa.

Jesu watsi kuye: “Wonkhe lobambe likhuba alima bese ubuka emuva, akawufaneli umbuso waNkulunkulu.”

“Kodvwa kuyawumbuyiselani umuntfu kuzuza live lonkhe, bese ulahlekelwa nguye lucobo lwakhe nome abhujiswe?

Nangabe umuntfu unemahloni ngami nangemavi ami, neNdvodzana yeMuntfu iyawuba nemahloni ngaye nayita ngenkhatimulo yayo nangebukhosi beYise kanye neyetingilosi letingcwele.

Jesu watsi kuyo: “Timphungutja tinemigodzi, netinyoni tinetidleke, kodvwa iNdvodzana yeMuntfu ayinandzawo yekulala iphumule.”

Wase utsi kubo: “Umuntfu lowemukela lomntfwana ngelibito lami, wemukela mine; nalowo lowemukela mine, wemukela lowo longitfumile. Ngobe lowo lomncane kakhulu kunani nonkhe, nguye lomkhulu kunani nonkhe.”