آیات محبوب کتاب مقدس از Mc 6

به اشتراک گذاشتن

Lajwitoc'al yalontek eb xin, axa yalon Cham bay eb axca ti': —Tonek xew jabok co tx'oklil bay c'am anima, ẍi. Max yal axca tu', yujtol c'am jabok colil eb yuj anima. Ay chi jayi, ay chi toji. Toltax low eb, tutun c'am colil eb.

Axa yalon Jesús bay eb tu': —Ayc'alta' yelapnok eb chekbej Dios yul sat anima masanil. Asan yul sat eb yet conob eb, c'al yul sat eb yican eb, c'al yul sat eb junnej nail yayji yetok eb, c'am yelapnok eb, ẍi Jesús.

Axa yeltek Jesús yul barco tu', max yiloni xiwil anima ayxa ec'ok. Axa cusoc c'ul yin eb tu', yujtol lajan eb axca juntzanok no calnel c'am yilomal, xan xiwil tzet yetal max yak' cuy eb.

Maj je' yunen junok milagro bay tu', asan jaywan ya'ay max matxbaj oc k'ab yiban, cax max jaycan c'ul eb. Max c'ayaj c'ul Cham, yujtol maj yaoc eb c'ul yin. Max lajwi tu xin, max ec' cuywaj bay juntzan aldealak cawilal is conob tu'.

Axa yion aj Cham ixim oyeb pan tu' yetok no cac'on txay. Max aj t'anan satcan, cax max yalon yuj diosalil yuj. Max c'oli bijontok ixim. Max lajwi tu' max yak'on bay eb is cuywom, cax max pojon ec' eb xol anima. Max poj c'apax ec' no cac'on txay tu' xol anima masanil. Masanil anima watx' max yun low sic'libil. A yet max xew low eb, maxto wajcan aj eb cuywom lajcawebxa motx nojnak yuj ixim bijquiltakil, c'al yetok no txay maxto cani.