آیات محبوب کتاب مقدس از Mt 18

به اشتراک گذاشتن

Yujtol tzanc'al bay ayic' cawanok ma oxwanok chi wajbaj ba yin yion ay ba eb ayin, ayin ec' yetok eb, ẍi Jesucristo.

Chi wal c'apax ayex, ta ay cawanok ex jun lajanc'al chaon e c'ul junok tzet yetal, cax che k'anon yin txajil, ok ak'lay ayex yuj co Mam ayic' bay satcan.

Max yawtentek Jesús jun unin, max lecban oc nan xol eb. Max yalon axca ti': —Wal yel chi wal ayex, ta c'am chi na ba e c'ul, ta c'am che yut e nabal axca eb unin, maj je' e yoc yul k'ab Cham aj satcan.

Yuj tu', a eb yaynakil chi yut ba axca jun unin ti', a ton eb tu' caw miman yelapnok yul k'ab Cham aj satcan.

Tzanc'al mac chi chaon junok unin axca jun ti', yuj wal tol wet, ayin chin is cha'.

Wal yel chi wal ayex, a tzet ok e yak' yowalil yulyibank'inal ti', a ton tzet ayc'alta' yowalil yuj Cham aj satcan. Axa tzet man ok e yak' yowalil yulyibank'inal ti', a ton tzet c'amc'alta' yowalil yuj Cham aj satcan.

Ta c'am che yak' c'apax mimanc'ulal yin masanil e c'ul yin yobtakil e yet animail chi oc ayex, man ok yak' c'apax mimanc'ulal co Mam Dios e yin, ẍi Jesús bay eb.

Ta ay mac chi ak'on etax el is nabal junok unin chi yaoc c'ul win, ok'bal wal c'ul. Yel mi watx' chi pixlay oc t'unan junok ch'en ch'en yet molino yin is nuk', cax chi k'oklaytok yul a', yet watx' manchak yetnej el is nabal jun unin tu'.*fn*

K'inalok ta ay junok mactxel ay junok ciento is calnel, cax chi c'aytok junok no', ¿c'amtax mi chi bekcan no 99 etbiej tu' low bay junok tzalan, cax chi toj sayon ec' no' max c'aytok tu'?