آیات محبوب کتاب مقدس از روملو‌لارا 3

به اشتراک گذاشتن

چونکی هامی گوناه اله‌یئب و تارینین جلالیندان محروم قالیب. و اونون فیضی‌ ائنن مسئح عئسانین طرفئندن گلن نئجات واسئطه‌سی‌ ائنن بو صالحلئیی بئر هدئیّه کئمی آلیرلار.

تاریدان گلن بو صالحلئک عئسا مسئحه اولان ائمان واسئطه‌‌سی‌ ائنن بوتون اونا ائمان گتئرنلره ورئلئر. ائنسانلار آراسیندا هچ فرق یوخدور.

تاری اونون قانیندا اولان ائمان واسئطه‌سی‌ ائنن اونی قاباقجادان کفّاره قوربانی تعیئن اله‌دی. بونی اونون اوچون اله‌دی کی، عدالتئنی گؤرسَدسئن، چونکی تاری اؤز صبرئنده قابقجا اولونان گوناهلار اوستونه گؤز یومموشدی. بونی اونون اوچون اله‌دی کی، ائندئکی زاماندا عدالتئنی ظاهئر اله‌سئن، اله کی، اؤزی صالح قالسین و عئسایا ائمان گتئره‌نی صالح سایسین.

بله ‎ده شرئعتئن طلب اله‌دئکلرئنی یرئنه یتئرمک ‎ائنن هچ بئر ائنسان تارینین نظرئنده تبرعه اولا بئلمز؛ چونکی گوناهین نه اولدوغی شرئعتئن سایه‌سئنده درک اولونور.

نجه کی، یازیلیب دا: «صالح اولان هچ کس یوخ، بئر نفر بله؛ آنلایان بئری یوخ، تارینی آختاران بئری یوخ. هامیسی آزیبلار، بئرلئکده فایداسیز اولوبلار. یاخشیلیق اله‌ین هچ کس یوخ، بئر نفر بله.»

چونکی ائناندیغیمیز بودور کی، ائنسان شرئعتی یرئنه یتئرمک ائنن یوخ، ائمان واسئطه‌سی‌ ائنن صالح ساییلیر.

اصلا! بوتون ائنسانلار یالانچی اولسالار دا، تاری اؤز سؤزونه وفالی قالاجاق. نجه کی، یازیلیب دا: «اله کی، سؤزلرئنده حاقلی چیخاسان، و موحاکئمه اله‌دئیئن زامان داعوانی قازاناسان.»