آیات محبوب کتاب مقدس از متّانین رئوایت 15

به اشتراک گذاشتن

آمّا آغیزدان چیخان، اورَکدن چیخار و ائنسانی نجئس اله‌ر. چونکی اورَکدن پئس فئکئرلر، آدام اؤلدورمک، زئناکارلیق، عئفّتسئزلئک، اوغورلوق، یالانچی شاهئدلئک و کوفر چیخار.

آغیزا گئرن شی، ائنسانی نجئس اله‌مز؛ آغیزدان چیخان شی‌دئر کی، ائنسانی نجئس اله‌ر.»

”بو خالق دوداقلاری ائنن منه حؤرمت اله‌یئر، آمّا اوَر‌کلری مندن اوزاقدیر. منه بوش یره عئبادت اله‌یئرلر، چونکی ائنسان امرلرئنی، احکام آدیندا تعلئم ورئرلر.“»

او واخت عئسا جاواب ورئب آروادا ددی: «آرواد، ائمانین بؤیوکدور! سنه ائسته‌دئیئن کئمی اولسون!» و اونون قیزی او ساعاتدا شفا تاپدی.

آمّا آرواد یاخینلاشدی و اونا سجده اله‌یئب ددی: «یارب، منه کؤمک اله.» عئسا جاواب ورئب ددی: «اوشاقلارین چؤره‌یئنی آلیب، ائتلره آتماق دوز دیئل.» آرواد ددی: «حاقلی‌سان یارب، آمّا ائتلر ده صاحئبلرئنئن سوفره‌سئندن دوشَن تئکه‌لردن یئیرلر.»