آیات محبوب کتاب مقدس از لوقا روایت 14

به اشتراک گذاشتن

«کئم اؤز آتاسیندان، آناسیندان، آرواد و اوشاقلاریندان، قارداشلار و باجیلاریندان، حتّا اؤز جانیندان، نئفرت اِله مه یئب، منئم یانیما گلسه، منئم شاگئردئم اولا بئلمَز.

هر کئم اؤز چارمیخینی گؤتورمه‌یئب، دالیمجا گلمه‌سه، منئم شاگئردئم اولا بئلمز.

چونکی هر کس اؤزونی اوجالدا آلچالاجاق، هر کس ده کی اؤزونی آلچالدا اوجالاجاق.»

اِله‌بوجور دا، سئزلردن کئم بوتون وار-یوخوندان اَل چَکمه‌سه، منئم شاگئردئم اولا بئلمز.

چونکی سئزلردن کئم وار کی، بئر بورج تئکمَک ائسته‌ینده، اوتوروب اوّل خرجئنی حساب اِله‎ مز کی، گؤرسون آیا اونی باشا یِتئرمک اوچون، پولی وار یا یوخ؟ چونکی اگر بونؤوره‌سئنی قویوب ائشی باشا یِتئره بئلمه‌سه، او زامان اونی گؤرن هر کس، اونا گؤلمه‌یه باشلاییب، دئیه‌جک: ”بو آدام تئکمه‌یه باشلادی، آمّا باشا یِتئره بئلمه‌دی.“

آمّا قوناقلیق وِرن واخت، یوخسوللاری، علئل‌لری، چولاقلاری، و کورلاری دعوت اِله کی، بختور اولارسان. چونکی اولار سنه عوضئنی وِره بئلمئرلر و سن اؤز ائشئنئن عوضئنی صالحلر دئرئلَن گونده، آلاجاقسان.»

دوز یاخشی شی‌دئر؛ آمّا اگر دوز دادینی اَلدن وِرسه، اونی نه جور گئنه شور اله‌مک اولار؟ اونون نه تورپاغا فایداسی اولار، نه ده پِیئنه؛ اونی اِشئیه آتارلار. هر کئمئن اِشئتمه‌یه قولاغی وار اِشئتسئن.»