آیات محبوب کتاب مقدس از یوحنّا روایت 12

به اشتراک گذاشتن

منه خئدمت اله‌ین آدام گرک منئم دالیمجا گلسئن. من هاردا اولسام، منه خئدمت اله‌ین ده اوردا اولاجاق. منه خئدمت اله‌ین هر کس آتا طرفئندن عئزّت تاپاجاق.

جانینی سِوَن، اونی ائتئرر. آمّا بو دونیادا جانینی سِومه‌ین، اونی ابدی حیاتا کئمی حئفظ اله‌ر.

دوغروسونی سئزه دیئرم؛ بوغدانین توخومی یره دوشوب اؤلمه‌سه، تک قالار. آمّا اؤلسه، چوخ محصول ورَر.

من دونیایا نور اولان کئمی گلدئم کی، منه ائمان گتئرن هر کس قارانلیقدا قالماسین.

سؤزلرئمی اشئدئب اولارا ائنانمایان آداما من حؤکم اله‎ مئیه‌جه‌یم. چونکی دونیانی موحاکئمه اله‌مک اوچون گلمه‌مئشم، دونیایا نئجات ورمک اوچون گلمئشم.

مریم بئر شوشه چوخ قئیمتلی خالئص سونبول یاغینی گؤتوروب عئسانین آیاقلارینا سورتدی و ساچلاری ائنن اونون آیاقلارینی قورولادی. اِو سونبول یاغینین عطری ائنن دولدی.

خورما خوللارینی گؤتوروب اونون پئشوازینا چیخدیلار و سسله‌نئردئلر: «هوسانّا، ربّئن آدیندا گلن ائسرایئلئن پادشاهی موبارک اولسون!»

عئسا اولارا ددی: «ائنسان اوغلونون جلال تاپماق واختی یتئشدی.