آیات محبوب کتاب مقدس از اِفِسوسلولارا 4

به اشتراک گذاشتن

بئربئرئزه مهرئبان و شفقتلی اولون. بئربئرئزی باغیشلایین، نجه کی، تاری دا مسئح ده سئزی باغیشلاییب.

هر باخیمدان، باشی‌آشاغیلیق، حلئملئک‎، صبر و محبّتده بئربئرئزی تحمّول اله‌یئن.

آغزیزدان هچ بئر یاوا سؤز چیخماسین، بلکی احتئیاجا گؤره، بئنا اله‌مک اوچون یاخشی سؤز دیئن کی، اشئدنلره فیض عطا اله‌سئن.

قوی هر جور آجیلیق، قضب، حئرصلَنمک، کوفر و تؤهمت هر جور پئس نئیّت ائنن برابر سئزدن اوزاق اولسون.

«قضبلَنَنده گوناه اله مه‌یئن.» قویمایین قضبئز یاتمامیش، گون باتسین. ائبلئسه هچ بئر فورصت ورمه‌یئن.

یعنی سئزئن قاباق نجه یاشادیغیزا باخماق ائنان، کؤهنه منئیّتی کنارا آتین کی، حئیله‌نئن شهوتلری ائنن فسادا چکئلئب. و ذهئنلرئزئن روحوندا تزه‌له‌نئن و تزه منئیّتی گیئن کی، صالحلئک، قودوسئیّت و حقئقتده تارییا موطابئق یارانیب.

جهد اله‌یئن کی، روحون بئرلئیئنی صولح و سالاماتلیق باغی ائنن حئفظ الئیه‌سئز.

و او، بعضئلری حوارئلر، بعضئلری نبئلر، بعضئلری موبشّئرلر، بعضئلری ده شبانلار و موعلّئملر تعیئن اله‌دی کی، موقدّسلر، خئدمت ائشئنی یرئنه یتئرمک اوچون سئلاحلانیب، مسئحئن بدنئنی بئنا اله‌سئنلر. او قدر کی، هامیمیز ائماندا، تاری اوغلونون معرئفتئنده بئرلئیه چاتیب، مسئحئن دولولوق قامتئنئن اؤلچوسونه قدر بؤیوموش بئر ائنسان اولاق.

بله کی، آرتیق اوشاق اولماییب، شپه‌لر الئنده چالخالانمایاق و هر تعلئمئن یلی ائنن، ائنسانلارین کلکبازلیغی ائنن، آلداتان طرزلرئن حؤقّه‌بازلیغی ائنن یولدان آزمایاق. آمّا حقئقتی محبّتده دیئب هر جهتدن اونون حدّئنه ‎جک بؤیویَک کی، بدنئن باشی‌دیر، یعنی مسئح.