آیات محبوب کتاب مقدس از ۱قورئنتلی‌لره 13

به اشتراک گذاشتن

محبّت صبئرلی‌دئر، محبّت مهرئباندیر، محبّت پاخیلّیق اله‌مز؛ محبّت کئبئرلَنمَز، مغرور اولماز، بی‌ادبلئک اله‌مز، اؤز منفعتئنی آختارماز؛ تز حئرصلنمز، پئسلئکلرئن حسابینی ساخلاماز؛

محبّت هر زادی اؤرتر، هر شیه ائنانار، هر شیه اومئد باغلار، هر زادا تاب گتئرر.

حاقسیزلیقدان سوئنمز، آمّا حقئقتدن شادلانار.

ائندی اوچ شی قالیر: ائمان، اومئد، محبّت. آمّا محبّت بولارین هامیسیندان بؤیوکدور.

محبّت هچ واخت قورتارماز. آمّا نبئلئک اولسا دا، قورتاراجاق؛ دئللر اولسا دا، ساکئت اولاجاق؛ علملر اولسا دا، آرادان گده‌جک.

اگر من ائنسانلار و ملکلر دئلی ائنن دانیشام، آمّا محبّتئم اولمایا، دمه‌لی باغیران بئر مئس یا دا جئنگئلده‌ین بئر سئنجه دؤنموشم.

اگر نبئلئک عطام اولا و هامی سئرّلر، هامی علملری بئلم؛ اگر کامئل ائمانا مالئک اولام، اِله کی، داغلاری یرئندن ترپه‌دم، آمّا محبّتئم اولمایا، هچ زاد دیئلم.

اگر واریمین هامیسینی فاغیرلارا پایلاییب اولاری دویورام، اگر بدنئمی یاندیریلماغا وِرَم، آمّا محبّتئم اولمایا، منئم اوچون هچ بئر فایداسی یوخدور.

اوشاق اولاندا اوشاق کئمی دانیشیردیم، اوشاق کئمی آنلاییردیم، اوشاق کئمی دوشونوردوم. آمّا اوندا کی بؤیودوم اوشاقلیغی ترک اله‌دئم.