آیات محبوب کتاب مقدس از رومی کلیسارا نامه 6

به اشتراک گذاشتن

اِمی خونه کن گناخی مِژد مَرگَه، ولی خدا خَلا، زَیرونَه زندَگی، چَمَه خداوند مَسیح عیسا دلَکارَ.

اِمی خونه کن گناخ شِمَه سَردِرِ فِرمون نییَدا، اِمی خاطر کن شَریعَتی بنیکا نیرون بَلکَم فِیضی بِنیکارون.

پس مَردِ دِلَکا تَعمید گَتِه نَه، اَینَه دَفِن آبیمون تا هَتَه کن مَسیح، دَدَ شکوه وجَلالینَه، مَردَاونکا زندَ آبَه، اَمه نی تازَ زندَگی دِلَکا گَل بِژَنَم.

اِشتَن جَندَکی اَعضا گناخی دَست آنِدَرَ تا نادِرِستی اَساس آبون، بَسکم هِنتَه اَیِنی شیوار کن مَردِ کا زِندَگیرا ویگَردِستَه اینَه، بَشتَن خدا دست آدَرَ تا شمه جَندَکی اَعضا خدا دَستیکا، راستی وسیله آبون.

اِمی خونه کن بَموستیمونَه اَ قَدیمَه اینسان کن اَمه بیمون، بَینَه مصلوب آبیمون تا جَندکی گناخ نیفیت آبو و دِ گناخی وَزییَر مَبَم.

پس شِمَه نی، پی بَشتَن گناخیرا مَردَ بزنَه، و مسیح عیسا دِلَکا، خِدارا، زِندَ بزنَه.

پس چه بِواجَم؟ هَته گناخ کَردِ ایدامَه بِدَرَم تا فیض ایضاف آبو؟ هرگز! اَمه کن گناخی خونِه مَردیمون، چِنتَه بَشامون چَی دِلَکا هَنی زندَگی بِکَرم؟

مگَم نینَّموست کن وقتی بَشتَن هِنتَه فِرمون اَبَرَ وَزییَرون شیوار، کَسی دست بدَرَم، اَ آدَمی کن اَیکا فِرمون بَبَردیرون، وَزییَر بَبیرون، چِه گناخی وَزییَر، کن چَی آخیر مَردِ یَه، چِه خدا ایطاعَتی وزییَر، کن چَی آخیر صالِح بِحیساب آمِه یَه؟

ولی شکرخدا، هَر چَنَه چیمی بَه نَه، گِناخی وَزییَر بیرون، ولی ایسَه صِدقِه دِلینَه اَ آموجی کا فِرمون بَبَرون کن خدا، شِمَش آدوعَیَه. و شِمَه گناخیکا رَخِستِه نَه، صالِح بِه وَزییَر آبَه ایرون.