آیات محبوب کتاب مقدس از نامه غلاطیَه کلیسارا 5

به اشتراک گذاشتن

ولی خدا روح ثمَرَ، موحبَت، خَشی، صلح و سلامتی، صَبر، مِرَبانی، چاکی و وَفاداری مولایمت و نفسی ناری گَتِه اَ. هیچ شریعتی اِمون زِرَبَرا نیَه.

ولی اَز باتیم خدا روح نَه رَفتار بکَرَ کن جندَکی مِیلون اَنجوم نینَّدا.

اَگَم خدا روح نَه زندَگی بَکَمون، خداروح نَه رَفتار بِکَرَم .

اَیِن کن مَسیح عیسی شِنین، جندَکی چَی هَوَا و هَوَس و مِیلون نَه صَلیبی سَر دَرا کِنِستَشونَه.

ایسَه جندَکی اَعمال دیارین: بی عِفتَی، ناپاکی و هَرزَگی؛ بت‌پرستی و جاودوگری؛ عَدابَت، جنگِستِه، زِرَ بَردِ، آسرَنگِستِه؛ طمع، جِدایی دَرَفَندِه، دِ دَستَگی دَرَفَندِ زِرَ گَتِه، مستی، عیاشی واِنتَرَ چییون شیوار. بَشِمَه هُشدا دَرِم، با اِمکن چیمی بَه نَه نی بَشمَه هوشدار دوعَم بَه، اَیِنی کن اِنتَرَ کارون بَکنَه خدا پادیشایی اِرث نینَّبَرد.

اِمی خونه کن برا اِن، شِمَه رَخِستِرا خِلِه بَه ایرون، تاکَه اِشتَن اِم رَخِستِه کا، هنتَه ایلَه فِرصَتی شیوار، جَندَکیرا ایستفادَ نِکَرَ، بَسکم موحبَتینَه یَندِ خیدمت بکَرَ.

اِمی خونِه کن جندَکی مِیلِن، خدا روح زِرَبرایَه و خدا روح مِیلِن جندَکی زِرَبَرا؛ و اِمی خونه کن اِم دِ، یِندِ زِرَبَرا اینَه، ایی جوری کن دِ نینَّشا هَر چیی کن بَپیرون، اَنجوم بدَرَ.

اِمی خونه کن گِردِ شریعت ایله حِکمی کا خِلاصَه بَبی کن: «اِشتَن خَمسوعَه هِنتَه اِشتَن شیوار رَی بِدا.»

دَدار یالَه نار مَبَم تا یَندِ غضَبی آکَرَم و یندِنَه زِرَ مبَرَم.

رَخِسته خونه بَه کن مسیح اَمَش راخنییَه. پس آمبَست بومونَه و هَنی وزییَر گیری یوقی اِشتَن مِلیکا مَنرَ.