آیات محبوب کتاب مقدس از ئنجیل مەتا 10

به اشتراک گذاشتن

«بنوڕن مه ئیوه جور پەسیل کلدان کەمه ناو گورگێل. جا جور مار هوشیار بون و جور کەموتەر بیتاوان.

هەر کەس بتواێ گیان خوەێ بپارێزنێ، وه دەسێ دەێ، هەر کەس گیان خوەێ وەبونەێ مه وه دەس بێی، گیان خوەێ وه دەس تیەرێ.

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

هەر کەس سەلیبەگەێ خوەێ هەڵنەگرێ و وەشون منەو نای لایق مه نیه.

«هەر کەس له لاێ مەردمەو مه ئێقرار بکێ، منیش وه نوای باوگم که ها ئاسمان، ئێقرارێ کەم وەلێ هەر که له لاێ مەردمەو مه حاشا بکێ، منیش وه نوای باوگم که ها ئاسمان، حاشاێ کەم.

نەخوەشیل شەفا بێەن، مردگیل زنیەو بکەن، جوزامیەگان شەفا بێەن، دێویل وەناو ئایەمیل دەر بکەن. وه پەتی گەردینه و وه پەتیش بێەن.

جا ڕخدان نەچود، ئیوه فرەتر له هەزاران مەلویچگ تیەرزیەن.

«گومان مەکەن که هاتمه تا ئاشتی و سڵامەتی وه زەوی بارم. ناتمه تا ئاشتی و سڵامەتی بارم، بەڵکەم تا شمشێر بارم!