آیات محبوب کتاب مقدس از Tito 2

به اشتراک گذاشتن

Dipo impeta dán nu Diyos u kagbi na a makapangatád ti kaligtasan tu atanan a tolay. U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo. Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo. Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.