آیات محبوب کتاب مقدس از Pahayag 8

به اشتراک گذاشتن

Nadid, nikuna a ibutan nu Tupa u kapitto a selyo ay awan ti hehaw ti langet tu alay nu kahalate a odas.

Nikuna patánnugán nu purumero a anghel u trumpeta na ay naguden tu luta ti iyelo sakay apoy a te kahalo a dige. Kaya natutod u katállo a parte ni lutaáy, u katállo a parte nu kakayowan, sakay u atanan a lamon.

Káttapos ni itod ay naketaák ti agila a magegbáh tu kalawakan sakay nasaneg ko a makán pákhawán, “Makaánteng i mangyariyay tu katoy hide ti munduway, ni patánnugán dán nu tállo pa a anghel u trumpeta de hide!”

Nikuna a patánnugán nu kaduwwa a anghel u trumpeta na ay timmáppel tu diget u kumán a dakál a buked a magapoy-apoy, kaya u katállo a parte nu diget ay nagin dige.

Nikuna a patánnugán nu katállo a anghel u trumpeta na ay natákneg u tunay ti kadakál a biton ti langet a mágganga-gangat a kumán a simbuwan, sakay timmáppel tu katállo a parte nu konayan hide sakay tu bukal hide. U ngahan ni bitonan itod ay tuble. U katállo a parte nu dinom ay nadáttonan ti tuble kanya makpal a nágkatay a tolay nikuna mainom di itod.

Nikuna patánnugán nu kaáppat a anghel u trumpeta na ay nasida u katállo a parte nu aldew, bulan, sakay u biton hide, kaya nawan u katállo a parte a demlag de. Dinumiham u katállo a parte nu aldew, sakay konna bi hod u katállo a parte nu gibi.