آیات محبوب کتاب مقدس از 1 ቆሮንቶሳ 12

به اشتراک گذاشتن

አየሱን ጎአመን አያና ቁሉክኮት ሙተን መተመቴ ካኮንስሳማራ ራቶት ላኦንያ።

ጎርታ እስና ካክርስቶሳ ማርታን፥ መተመተክስኒ ማርኬሳክ ምክታልታን።

ምክታ ኮ ጎአቦሳምሮ ምክታጆል ዱባ ራቶ አቦሳማራ፥ ምክታ ኮ ጎካባጃምሮ ካካለ ምክታልና ራቶ ገጌላታራ።

አያና ቁሉክ ኮዉን ቃሩማ አዬሳኖ ስሳራ፤ ካካለቱን ሀሱ አያና ማላብ አዬሳኖ ስሳራ። ኮዉን ሀሱ አያናዋ አማኖ ስስናራ፥ ካካለዉን አደ ኤሰነዋ ካፋይሳሮ አያናኮክ እላቦጆል ስስናራ። ኮዉን ባሳ ፈላኖ፥ ካካለቱን ሄገሮ አዬሳኖ፥ ካካለቱን አደ አያናጆል አሳባኖ፥ ኮዉን ካለካለት ታኡሱብት ሄኢ አዬሳኖ፥ ካካለቱን አደ ካለካለት ታኡሱብት ሄኢ ካአዬሳመሮ ፉራኖኮክ እላቦ ስሳራ።

ሂኒዕ ዱባ ሀሱ አያና ኮ ኮኒዕ እላቦጆል ጎሌራን፥ መተመቴ እባዶን ኡሱ እሲ ጎጎፈኤ ስሳራ።

ሂካና ካኮንየለራ ካማሬ ምክታል ኦሮኮ ካለካለ ላኖ አግኖን፥ እስእስ ኦሮ ኮኮዉን ጎጎሻድናዉንያ።

እላቦል ካለካለክ ጎሌሮ፥ አያና ጎአመን ኮያ፥ ሀንዳኖና ካለካለክ ካሌሮ ጎታ ጎአመን ኮያ፤ ፈሎና ካለካለኒዕ ጎሌን፥ ዱባና ዱባይ ካፈላራ አደ ኡሱ ኮ ዋያ።

ሃንሱን ዋ መተመቴ እባዶን ምን ካኤብ ኦሮ ካለካለክ ሀንዳ ጎጎግሮ የለራ፥ ሂካ ጋራይ ሆራርጀ ኦፋራመራን፥ ካላም ኦሄገሮል፥ ካሴድ ኦአጋልስሳራን ሹመራ። ደቤና ባሳ ኦፈላራን፥ ደቤና አዳ. አዳክ ፋይሳኖኮክ እላቦ ኦአባን፥ እባዶ ጋርጋራኖኮክ እላቦ ኦአባን፥ ኦዶናቲ ካባሪሳሮና ካለካለት ሄኢ ካአዬሳሮ እባዶ ካየራ።

ማር ኮ ካኮመጣመራ ምክታ ካሞጋንኮ ኳሬ ምክታ ኮኮ ላኮዮ።

ዱዶዋ ላፋክ ኣን ካላራ ካሞጋን ካማሬ ምክታጆል ኣሎ ኦዶትሳራንያን።

ማር ዱባ ኢል ሊ ግረዋ፥ ማላኖ ሀየኮ ሄላምናረ? ማር ዱባ ነበ ሊ ግረዋ፥ ኡርሳታኖ ሀየኮ ሄላምናረ? አየሱን ጎአመን ዋ ጎጎጌላታሮ መተመተይ ባንኤ ዱባ ካየራ። ምክታ ዱባና ኮ ሊ ግረዋ ማር ሀየኮ ሄላምናረ?