آیات محبوب کتاب مقدس از Тархал 14

به اشتراک گذاشتن

Амма БЕТӀЕРГЬАНАСДА данде рахъунге ва доб ракьалъул гӀадамазукьа хӀинкъуге, щайгурелъул нилъеца бигьаго къезарила дол! Дозие кумек гьечӀо, нилъгунин абуни, БЕТӀЕРГЬАН вуго. ХӀинкъуге дозукьа!» – ян.

„БЕТӀЕРГЬАНАСУЛ сабру халатаб, Гьесул рахӀму-цӀоб гӀатӀидаб! Гьев мунагь-хӀакъалдасаги тӀасалъугьуна! Амма гӀайибиял тамихӀалде цӀала – умумузул мунагьазухъ, лъабабилеб ва ункъабилеб наслуялде щвезегӀанги, лъималазул лъималазеги тамихӀ гьабула“, – ян.

БЕТӀЕРГЬАН нилъеда гурхӀулев ватани, Гьес рачинеги рачун, нилъее кьела рахьги гьоцӀоги чвахулеб доб ракь.

Амма дир лагъ Халев гьезда релълъарав гьечӀо, гьев ракӀ-ракӀалъ Дида божарав вуго. Гьелъухъ Дица гьев щвезавила гьесда бихьараб ракьалде ва гьесул наслаби рукӀина гьелъул бетӀергьабилъун.

Гьезда абе: „Дирго цӀаралхӀаги, – ян абулеб бугин БЕТӀЕРГЬАНАС, – нужеца бицаралда рекъон гьабила Дица нужее.

БЕТӀЕРГЬАНАС Мусада абуна: «КидаллъизегӀан гьаб халкъалъ Дун нахъчӀвазе вугев? КидаллъизегӀан гьел Дида божиларел, Дица жидеда гьоркьор гьаруралщинал гӀаламаталги гӀечӀого?

Мусаеги Гьаруниеги бадирчӀваял гьаризе лъугьана. ТӀолабго халкъалъ гьезда абулеб букӀана: «Унго, Мисриялдаго хварал анищ ниж! Яги гьанир салул авлахъалда хун рукӀарал анищ!

Ракьазул хал-шал гьабизе аразда гьоркьор рукӀарал Нунил вас Егьошуацаги Ефуннил вас Халевицаги, чара бухӀун, жидедаго тӀад букӀараб партал бихъ-бихъана ва гьез гӀизраилазул жамагӀаталда абуна: «Нилъеца хал-шал гьабураб ракь кутакалда лъикӀаб буго!

Амма Дирго цӀаралхӀаги ва дуниялго цӀезабураб Дирго реццалхӀаги, – Дир къудратги бихьарал, Мисриялда ва салул авлахъалда Дица гьарурал хӀикматал ишалги рихьарал, амма гьебги гӀечӀого, тӀокӀалъ чӀечӀого Дир хӀалалги рихьун, Дие мутӀигӀлъичӀел чагӀазда бихьизе гьечӀо, гьезие кьезе бугин абун гьезул умумузе Дун гьедараб ракь. Дун рихарав цониги чиясда гьеб бихьиларо!