آیات محبوب کتاب مقدس از Къанун 6

به اشتراک گذاشتن

Дурго БЕТӀЕРГЬАН Аллагь хиралъе ракӀ-ракӀалъ, тӀолабго рухӀалдалъун ва къуват-жаналдалъун.

тӀадчӀун дурго лъималаздаги малъе. Кидаго такрар гьаре гьел, рокъор гӀодор чӀун рукӀагоги, къватӀир сапаралда рукӀагоги, кьижулеб мехалъги, тӀаде рахъунеб мехалъги.

Жакъа дица дуе кьурал амраби кидаго рекӀелъ цӀуне

ГӀенекке, ГӀизраилил халкъ! Нилъер БЕТӀЕРГЬАН Аллагь вуго цохӀого цо вугев БЕТӀЕРГЬАН!

РакӀалде щвеялъул гӀаламат хӀисабалда кверда рухье гьел, гьединго надалдаги рухье.

Дурго рукъалъул нуцӀил рахаздаги шагьаралъул кавабаздаги хъвай гьел.

Дурго БЕТӀЕРГЬАН Аллагьасукьа хӀинкъа, цохӀо Гьесие тӀагӀат гьабе, ва гьа гьедулелъул, Гьесул цӀар гурони бахъуге.

Дур БЕТӀЕРГЬАН Аллагьас мун вачина дуе кьелин гьедараб улкаялде. Дур умумузе, ай Ибрагьимиеги, ИсхӀакъиеги, Якъубиеги Гьес гьединаб рагӀи кьун букӀиндал. Гьенир руго дуца гӀуцӀичӀел кӀудиял гьайбатал шагьарал, дуца бакӀаричӀеб бечелъиялъул цӀурал рукъзал, дуца рухъичӀел гъуял, дуца чӀечӀел цӀолбол ахалги зайтуналъул авлахъалги. Гьениб дуе гӀорцӀизегӀан квен букӀина. Амма, вореха, мунго Мисриялъул лагълъиялдаса нахъе вачарав БЕТӀЕРГЬАН кӀочонге.

Гьале БЕТӀЕРГЬАН Аллагьас нужеда малъеян дида тӀадкъарал, нужерлъун букӀине бугеб ракьалде щведал нужеца тӀуразаризе кколел къануналги амрабиги. Гьебмехалъ нужги, нужер лъималги, гьезулги лъималги гӀумруялъго БЕТӀЕРГЬАН Аллагьасукьа хӀинкъила, дица нужеда малъарал Гьесул къануналги амрабиги нужеца тӀуразарила, ва гьелдалъун нужер гӀумруги халалъила.

БЕТӀЕРГЬАНАСДА берцин бихьулебщинаб гьабе. Гьебмехалъ нужееги лъикӀ букӀина: БЕТӀЕРГЬАНАС нужее кьелин нужер умумузего гьа бараб гьайбатаб улкаялде щвела нуж ва гьеб мукӀур гьабила.

Щайгурелъул нужгун вугев БЕТӀЕРГЬАН Аллагь вуго хилиплъи хӀехьоларев Аллагь: Гьесул ццин гьалаглъичӀого букӀине, нужги дунялалдасаго тӀагӀинаричӀого рукӀине.

БатӀиял аллагьзабазда нахъ рилълъунге, сверухъ ругел халкъазул аллагьзабаздеги руссунге.

Массаялда гӀадин, нужерго БЕТӀЕРГЬАН Аллагьасул хӀалал рихьуге.