آیات محبوب کتاب مقدس از Johannesi 14

به اشتراک گذاشتن

“Thiraro na kumuthighera, thiraro thange na kumupa. Thiraro thi na kumupa, kadi rudhi rothiraro thi ka tapa kaye. Mwa tokota no mwa yapa.

Ha mu hutha Jesusi eshi: “Yame ndhira noghushemwa nomoyo. Noyofotji temba ghokukuma kwaTate shimengwa paPange.

“Mwa tokota. Mu tawe mwaNyambi, ho mu tawe karo muMwange.

Ene Mughambwereri Mupepo ghoKupongoka, oyu mbo gha tuma Tate muDina dyange, yo mbo gha mu honga yoyihe no kumuvurukitha yoyiheya yi na mu tongwerire.

“Oyu gha kara noyiraghura yange no kuyitenda, yo gha ni haka. No yu ghokunihaka, mbo ghana mu haka naye Tate. Name mbo na mu haka no mbo na kuhokora kukwendi.”

Mbo na kumbera kwaTate, Aye mbo ghana mu tumena Mughambwereri ghumweya, oyu mbo gha kara nenu kuroruheya, eshi Mupepo ghoghushemwa. Hakaye mbadi ha kona kumutambura, yoyi mbadi hana kumumona no kumudimuka temba. Ene mwe mwa mu dimuka, yoyi nenu gha kara no mbo ghana tungu mumwenu.

No yoyihe eyi mbo mu kumbera muDina dyange, mbo na yi tendi. Kemo mbo gha fumaneka Wihe Mwana. No ngeshi ha mu ni kumbera thinu muDina dyange, mbo na yi tendi.

“Ngeshi mwa ni haka, ngo mbo muna tendi yiraghura yange.

Mundhugho dhaTate, mo gha di matungo ghomengi. Ngo kadi kemo, ngo nye yi na mu tongwerire eshi kuna kuyenda ni ka mu roghithere mango?

No ngeshi na yendi ni ka mu roghithere mango, mbo na ka huka na ni mu shimbe, mu ka tunge oku na kara Me.

Ko kumutongwera Tomasi eshi: “Fumu, mbadi tuna dimuka eshi kupi ghuna kuyenda, ngepi di sho tu dimuke ndhira dhokuya?”