آیات محبوب کتاب مقدس از Phŭn Blŭng 39

به اشتراک گذاشتن

Yêhôwa dŏ hr̂ŏm Yôsep, nŭn yơh bih buă Yôsep ngă mơ̆ng sang khua ñu sô̆n-sat Êjĭp jr̂ŏng soh-sel.

Nŭn yơh ñu čr̂oh br̂ơi bih nŏ yĕt-yĕt ñu hmâo mơ̆ng ngan Yôsep, ñu bĭ wŏn-wai mơ̆ng nŏ yĕt-yĕt ôh, ñu khư̆t ha tô̆ hnă ñu ƀŏng đơč. Yôsep, dr̂ơi-jĕn ñu hiam dăp ƀŏ ñu hr̂ăl mơ̆n.

Nŭn khua sang khŭk jao br̂ơi bih-tih mơnuih djơ̆ khŭk mơ̆ng ngan Yôsep, dăp buă yĕt a ngă tăm sang khŭk, buă nŭn Yôsep phĕn-kan br̂ơi soh.

Nŭn khua Yôsep ba nao Yôsep čĕ khŭk, pơ ƀon r̂ăng čr̂oh kr̂ĭ mơnuih ngă glaĭ mơ̆ng pơtao, jr̂ŏng nŭn Yôsep dŏ tăm sang khŭk nŭn yơh. Plai Yêhôwa dŏ hr̂ŏm Yôsep, dăp khăp-pap ngă hiam hr̂ŏm ñu mơ̆n, nŭn Yêhôwa ngă br̂ơi khua sang khŭk bŏ bŭt mơ̆ng Yôsep.

Dơdơi mơ̆ng anŭn, bơnai khua Yôsep pel Yôsep kơtă-kơtă, jr̂ŏng nŭn pơhiăp laĭ: «Đih hr̂ŏm kâo wŏ!» Plai Yôsep ñu laĭ, «Git ôh.» Nŭn ñu pơhiăp hr̂ŏm bơnai khua ñu: «Ep wŏ, gơi kâo r̂ai dŏ ha ane, khua kâo ñu bĭ wŏn-wai mơ̆ng nŏ yĕt-yĕt mơ̆ng sang ne ôh, dăp ñu mop br̂ơi bih-tih nŏ yĕt-yĕt ñu hmâo tăm ngan kâo mơ̆n. Bĭ hmâo lơi pr̂ŏng hloh mơ̆ng kâo tăm sang ne ôh, wŏt khua kâo ñu bĭ r̂ă-kă mơ̆ng nŏ yĕt kâo yua le, ha tô̆ ih đơč ñu čr̂oh ñu pô, yua ih bơnai ñu. Nĭng nŭn yơh, hiư̆m kâo thâo ngă klơi set pr̂ŏng hla ne, dăp ngă glaĭ mơ̆ng Ơi Adai?»

Hmâo ha r̂ơi Yôsep mŭt nao ngă buă tăm sang, pah anŭn bĭ hmâo mơnuih dŏ tăm sang ôh, nŭn bơnai Pôtipha mă ao Yôsep, ñu laĭ: «Đih hr̂ŏm kâo wŏ!» Plai Yôsep toh klaih lôi ao ñu tăm ngan bơnai Pôtipha, jr̂ŏng nŭn tă đuĕ gah ia-wang.