آیات محبوب کتاب مقدس از Biă 32

به اشتراک گذاشتن

Tơl nă plơi lan ƀôh laĭ, Môsê kaih tr̂ŭn glaĭ mơ̆ng kŏ čĭ, nŭn môt gơñu r̂ai pơtŭm gŏp gơñu ti năp Ơrô̆n, gơñu laĭ: «Ngă br̂ơi mơi hup yang wŏ, čiăng ñu ba glan mơi, yua ƀŏk a Môsê nŭn, pô ba mơi biă mơ̆ng čal Êjĭp, mơi bĭ thâo kr̂ăn laĭ ñu pŏ klơi yĕt ôh.»

Nŭn Yêhôwa pơhiăp hr̂ŏm Môsê: «Tr̂ŭn glaĭ wŏ, yua nă plơi lan ih ba biă mơ̆ng čal Êjĭp nŭn, gơñu ngă set boih. Môt gơñu tăñ weh đuĕ mơ̆ng glan kâo pơtă môt gơñu, môt gơñu ngă hup nă mo kơno, jr̂ŏng nŭn bon ti năp hup nŭn, dăp ngă yang hup nŭn, wŏt pơhiăp laĭ, “Ơ Israel, ne yơh yang gô-ih ba gô-ih biă mơ̆ng čal Êjĭp.”»

Tơl Ơrô̆n ƀôh buă nĭng nŭn, ñu ngă pr̂a ngă yang ti năp hup nŭn, jr̂ŏng nŭn ñu pơhiăp đĭ: «R̂ơi gla ta ti ngă yang Yêhôwa dăp ƀŏng mơñŭm!» Sêng-ƀr̂êng mơ̆ng guah, nă plơi lan gŭ đĭ nao tô̆ čĭm-br̂ĭm pơanah ngă yang čuh lôi bih blao, dăp ba nao čĭm-br̂ĭm pơanah dŏng ngă yang klơi nŭk-nua, jr̂ŏng nŭn gơñu dŏ ben ƀŏng mơñŭm, nŭn gơñu gŭ đĭ ngui ngŏl tă-tăn.

Tơl r̂ơi dơdơi, Môsê pơhiăp hr̂ŏm nă plơi lan: «Gô-ih ngă glaĭ dr̂ă jat, nêne kâo ti đĭ nao pơ Yêhôwa. Ai-ñu kâo ti thâo pơsĭl lôi klơi glaĭ gô-ih mơ̆n thâo.»