آیات محبوب کتاب مقدس از Biă 23

به اشتراک گذاشتن

Br̂ơi gô-ih ngă buă kâo Yêhôwa Yang gô-ih, nŭn kâo ti pha br̂ơi gô-ih klơi nŭk-nua, čiăng gô-ih hmâo nŏ ƀŏng dăp ia ñŭm, wŏt kâo ti mă lôi klơi wă-nuă biă mơ̆ng môt gô-ih mơ̆n. Tăm lŏn-ia gô-ih, kâo bĭ br̂ơi hmâo đahmơi r̂ăm lôi nă tăm čian ôh, lơ đahmơi pơlao le. Kâo ti ngă br̂ơi gô-ih hmâo ayŭ wĭ.

«Nêne, kâo pơđơi ling-jang ha r̂ăng nao hlâo gô-ih, čiăng ñu wai-lăng gô-ih r̂ok glan, dăp ba gô-ih tr̂uh nao pơ ƀon kâo pơkr̂a čr̂oh br̂ơi gô-ih.

Jơ̆ laĭ gô-ih hmĭ klơi ñu pơhiăp, dăp ngă tui bih klơi kâo pơtă, nŭn kâo ti ngă ayăt bơgăng glaĭ mơ̆ng môt ayăt gô-ih, dăp kâo ti bơblah mơ̆ng môt bơblah mơ̆ng gô-ih mơ̆n.

Anăm ngă set tui mơnuih suŏn lô ôh. Jơ̆ laĭ gô-ih r̂ă pơhaih kơđi, gô-ih anăm ngă bơglaĭ lôi klơi kơpă-hnŏng, tui mơnuih suŏn lô le. Anăm čiăng ŏp-on lơi-lơi tăm kơđi klơi ôh, wŏt mơnuih hin ơ mơ̆n.

«Gô-ih anăm pơčeh kơđi ôh, dăp anăm r̂ă pơhaih bĭ kơpă ti năp khua tr̂ĕ kơđi, čiăng dŏng mơnuih ngă set le.