آیات محبوب کتاب مقدس از Biă 12

به اشتراک گذاشتن

Mlăm nŭn kâo ti bat yô jŏp-jang mơ̆ng čal Êjĭp, kâo ti pơdjai lôi bih nă đahkơi phŭn tăm čal Êjĭp, dăp mơnuih dăp čĭm, kâo ti tr̂ĕ kơđi bih-tih yang tăm čal Êjĭp, kâo yơh Yêhôwa. Dr̂ah a sôt mơ̆ng sang gô-ih dŏ nŭn ti pơthâo br̂ơi kâo, tơl kâo ƀôh dr̂ah nŭn, kâo ti gao lôi gô-ih, nŭn bĭ hmâo klơi pơkơnap pă r̂ai bơr̂ăm lôi gô-ih, mơ̆ng mông kâo bơr̂ăm lôi čal Êjĭp nŭn ôh.

«Br̂ơi gô-ih tô̆ r̂ơi ne, pr̂ăp čr̂oh r̂ơi hơdŏl glaĭ, r̂ơi ne gô-ih ti ngă Yang Yêhôwa dăp ƀŏng mơñŭm, br̂ơi gô-ih djă čr̂oh r̂ơi ne, jr̂ŏng klơi juăt tơgr̂ư̆ nôk mơnuih nao-nao hayoh.

Tơl nă čo gô-ih kơña: “Yua yĕt gô-ih ngă buă ne?” Nŭn gô-ih ti laĭ glaĭ: “Buă ne ta ngă yang Yêhôwa dăp ƀŏng huă klơi gao, yua Yêhôwa gao lôi sang nă čo Israel mơ̆ng čal Êjĭp, pah ñu pơdjai lôi môt sô̆n-sat Êjĭp, plai sang môt ta, ñu pơklaih lôi.”» Nŭn nă plơi lan bon kô̆p kŏ.