آیات محبوب کتاب مقدس از رومیوں 4

به اشتراک گذاشتن

اُوں اِیمان دی کمی دے سببّوں خُدا دے وعدہ اُتے شک نہ کیتا بلکہ اِیمان ءچ مضبوط تھی تے خُدا دی تمجید کیتی۔ اُونکُوں پکا یقین ہا جو جیہڑا وعدہ خُدا کیتے او اُونکُوں پُورا کرݨ دی وی قُدرت رکھیندے۔

جِینویں لِکھیا ہے جو ”مَیں تیکُوں بہُوں ساریاں قوماں دا پِیُو مقرر کیتے۔“ ابرہام خُدا دی نِگاہ ءچ ساڈا پِیُو ہے جیندے اُتے او اِیمان رکھیندا ہا یعنی او خُدا جیہڑا مُردیاں کُوں زندہ کریندے تے غیر موجود چیزاں کُوں اِینویں سڈ گِھندے جِینویں او موجود ہِن۔

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

ابرہام نا اُمیدی ءچ وی اِیمان رکھیندا ہا تے بہُوں ساریاں قوماں دا پِیُو بنڑیا جِینویں جو اُونکُوں آکھیا گِیا ہا جو ”تیڈی نسل اِینویں ای ہوسی۔“

اِیں واسطے ایہ وعدہ اِیمان دے سببّوں مِلدے تاں جو فضل دے طور تے ہووے تے ابرہام دی یکی نسل کیتے ہووے، صرف اُنہاں کیتے نئیں جیہڑے شریعت دے مننڑ آلے ہِن بلکہ اُنہاں کیتے وی جیہڑے ابرہام وانگُوں اِیمان رکھیندے ہِن۔ کیوں جو ابرہام اساں ساریاں دا پِیُو ہے،

جو ”مُبارک او ہِن جِنہاں دیاں بدکاریاں بخش ڈِتیاں گئیاں، تے جِنہاں دے گُناہاں اُتے پڑدہ پاتا گِیا۔ مُبارک ہے او بندہ جیندے گُناہاں دا رب حساب نہ کریسی۔“

کیوں جو خُدا دا کلام آدھے جو ”ابرہام خُدا اُتے اِیمان گِھن آیا تے ایہ اُوندے کیتے راستبازی شمار کیتا گِیا۔“