آیات محبوب کتاب مقدس از ໂຮເສອາ 9

به اشتراک گذاشتن

ພຣະເຈົ້າ​ຂອງ​ຂ້າພະເຈົ້າ​ຈະ​ປະຕິເສດ​ພວກເຂົາ ເພາະ​ພວກເຂົາ​ບໍ່​ເຊື່ອຟັງ​ພຣະອົງ; ພວກເຂົາ​ຈະ​ເປັນ​ຄົນ​ພະເນຈອນ​ຢູ່​ທ່າມກາງ​ຊົນຊາດ​ທັງຫລາຍ.

ອິດສະຣາເອນ, ຢ່າ​ຊື່ນຊົມຍິນດີ; ຢ່າ​ຊື່ນຊົມຍິນດີ​ເໝືອນ​ຊາດ​ອື່ນໆ. ເພາະ​ພວກເຈົ້າ​ບໍ່​ໄດ້​ສັດຊື່​ຕໍ່​ພຣະເຈົ້າ​ຂອງ​ພວກເຈົ້າ; ພວກເຈົ້າ​ຮັກ​ຄ່າ​ຈ້າງ​ຂອງ​ຍິງ​ໂສເພນີ ຕາມ​ເດີ່ນ​ຟາດ​ເຂົ້າ​ທຸກ​ແຫ່ງ.

ວັນ​ແຫ່ງ​ການ​ລົງໂທດ​ກໍາລັງ​ມາ​ເຖິງ, ວັນ​ແຫ່ງ​ການ​ລົງ​ອາດຍາ​ກໍ​ມາ​ໃກ້​ແລ້ວ, ອິດສະຣາເອນ​ຈົ່ງ​ຮູ້​ເລື່ອງ​ນີ້. ເພາະ​ຄວາມ​ບາບ​ຂອງ​ພວກເຈົ້າ​ນັ້ນ​ມີ​ຫລວງຫລາຍ, ແລະ ເຈດຕະນາ​ຮ້າຍ​ຂອງ​ພວກເຈົ້າ​ກໍ​ໃຫຍ່​ຫລາຍ, ຜູ້ທຳນວາຍ​ຖືກ​ນັບ​ວ່າ​ເປັນ​ຄົນ​ໂງ່, ຜູ້​ທີ່​ພຣະເຈົ້າ​ດົນໃຈ​ກັບ​ຖືກ​ຫາ​ວ່າ​ເປັນ​ຄົນ​ບ້າ.